而家講起港產片，真系無乜好講～
但以前嘅港產片，就真系犀利到爆！
因為，有好多巨星！
甚至一套戲入面，粒粒都系巨星！
而且最緊要，佢哋嘅港產片，真系好笑呀嘛！
《大富之家》
巨星指數： 3.5粒星
你以為會講《家有囍事》？有乜可能俾你估到。
要講就梗系講同《家有囍事》差唔多卡士，唔單止有毛毛同哥哥。
仲有劉青雲同梁家輝兩大影帝，更有袁靚靚同DoDo姐嘅《大富之家》啦！
當中最經典都系睇哥哥點樣逐個冧掂成家人，仲要幫黃百鳴變妝做女人！
《超級學校霸王》
巨星指數：4粒星
講大卡士點可以唔講呢套！
一套笑片可以集到四大天王其中三個，仲要加埋劇集王牌嘅張衛健，呢個組合真系可一不可再！
最緊要系大部分演員都要Cosplay街霸，掃把頭嘅張學友真系經典中嘅經典！
當然，最緊要睇埋學生妹look嘅楊采妮同埋cosplay春麗嘅女神邱淑貞。
而張衛健變做悟空款嘅「吳君如」出元氣彈都真系估你唔到呀！
《射鵰英雄傳之東成西就》
巨星指數： 5粒星
嗱嗱嗱，呢套戲如果你話無睇過就好打極有限！
有咁多個影帝影后一齊拍賀歲喜劇，幾乎系無咩人可以想像到。
其實系因為呢套戲系《東邪西毒》嘅孖生作品，所以系原班大卡士咁拍。
當年有邊個會諗過風度翩翩嘅偉仔竟然會掛住一孖潤腸喺個嘴度，仲要用性感嘅眼神教學友溝女？
而學友簡直就系一眾觀音兵嘅典範，竟然可以用一首《我Love你》就打動祖賢女神個心，榮升將軍。
呢套簡直唔系笑片咁簡單，系勵志片呀！
仲有入面梁家輝男扮女裝同哥哥又唱又跳，真系笑到眼水都標！
《豪門夜宴》
巨星指數：5粒星+1
呢套戲可以話系大卡士中嘅XO！
但唔系有好多人睇過，因為呢套其實系成個香港演藝界傾巢而出，為咗賑濟當年華東水災拍嘅電影。
基本上由頭到尾，都有巨星帶住演出，女神王祖賢用真聲講唔咸唔淡嘅廣東話你聽過未？
經典場面除咗有英文版帝女花，仲有片尾一大班人食宵夜嘅豪門宴場景。
街坊嘅選角都別出心裁，當年黎明仲不惜重演自己唱歌走音嘅黑歷史，仲有富貴逼人系列一家人對六合彩劇情。
最估唔到仲要有星爺同一代笑匠許冠文爭雞頭嘅演出。
呢種卡士同編劇心思，今時今日仲可以去邊度睇？
對於那些年嘅港產片，好多巨星組合已經無咩機會再睇到啦。
更重要嘅系，以前劇情同卡士並重，而家嘅港產片，就算幾大堆頭，基本上都唔膠好睇……
文章來源: https://www.twgreatdaily.com/cat99/node1455387
轉載請註明來源：今天頭條