如果你所講嘅係事實，咁就係一對新人安排不當。當日兄弟姊妹伴郎伴娘其中1至2個理應會keep唒全日要比嘅尾數，同埋一啲backup嘅$.而且早上有無早費or夜晚會唔會有OT$$,我諗一對新人應該心中有數，點都預多唔會預少掛！

當日新娘新郎全日都會好忙，所有財政唔係應該一早用個百頁file分好唒(用利是封入好每一份尾數)，要用嘅時候兄弟姊妹可以即刻抽出嚟比化妝攝影酒席尾數嗎？照計按上述情況，理應唔需要等新郎送完客影完相先安排到比尾數，咁啲兄弟姊妹全日有咩職責，咁基本連財政一職都無？

另外，的士$無論係$31好，定$70，就算有無單，你都會預計到一程大約幾$掛，真係唔知就要信化妝囉！

以我結婚當日為例，化完褂頭，我預支埋的士錢比化妝師搭的士去我奶奶到化妝，有多無少，我仲同化妝講如果唔夠一陣同兄弟拎番，最後當無啦。而且尾數一朝早就已經清唒，我諗收齊尾數開工會開心啲，喜慶日子，最緊要大家開心！

斤斤計較只代表你唔信任同對化妝師無信心，當初又點解要揀呢？

轉載請註明來源：今天頭條