無線處境劇《愛·回家》系列長做長有，最新一輯《愛·回家之開心速遞》搵嚟喺第一輯飾演馬虎嘅劉丹帶領單立文、呂慧儀、湯盈盈、蘇韻姿、馬貫東等演員。

劇集暫定180集，在上星期首播，雖然網民反應不一，有人認為「好悶」、「《八時入席》好睇啲」、「無新意好似睇緊《一屋老友記》咁」，不過都有唔少網民認為「劇情輕鬆舒服」、「好笑」、「一家人一齊食飯有返以前馬家嘅感覺」。

如果講到「家」嘅感覺，《開心速遞》的確係比第二輯嘅《八時入席》強，劇集除咗一家人成日一齊食飯之外，亦有唔少家庭溫馨場面出現）。

好似第四集呂慧儀飾演嘅熊若水Mary諗住可以升職做部門主管兼有房坐，為新部門裝修打點一切，點知集團總裁龍敢威（羅樂林飾）搵咗高栢菲（湯盈盈）擔任而升職失敗，全公司都知佢臨門撻Q，而俾人笑到搵窿捐。佢返到屋企就攬住爸爸（劉丹飾）喊，仲話全世界得爸爸對佢最好。

睇咗幾集，大家又覺得呢套追唔追得過呢？

文章來源: https://www.twgreatdaily.com/cat99/node1433133

轉載請註明來源：今天頭條