前兩個月開始同女朋友同居,諗住可以日日做啦,開頭都正正常常

點知過左一個月之後佢開始露出真本性,完全唔係果回事,簡直係惡夢

原來女朋友既衛生情況係極度令人擔憂,本身我都係一個有少少潔癖既人

見到佢有咁多惡習又不修邊幅之後,我已經慢慢對佢冇哂興趣

事源我地同居左5個禮拜後,佢開始來料,朝早起身唔刷牙洗臉就上妝返工

用完d野周圍放,d落妝綿,m巾,用完都唔放入垃圾桶,食完野又唔洗碗

食剩野食既外賣盒就咁放檯面,搞到屋企有曱甴,仲誇張到抹完檯既紙巾可以就咁拋落地

有時忍唔住鬧佢,佢又扮可憐話只係唔記得左執,點知過兩日又係咁

仲有啊,而家成4,5日都可以唔洗頭,個頭有油就就咁用dry shampoo就算

而且一梳頭就甩到成地頭髮又唔掃返,又塞住個去水位,平時d衫衫褲褲著完就咁dom落地

我唔幫佢執就唔會洗,感覺上我好似係多左個女要照顧咁,真係崩潰

唔怪得d人話同過條女同居就唔會想同佢結婚

勸咁多位ching打算同條女結婚又未過同居既要諗清楚

轉載請註明來源：今天頭條