有人以為教書份工好單純，但其實教育界嘅衰嘢，真係愈揭愈有﹗

今次就有位就快退休嘅老師，踢爆校園醜惡⋯

讀者爆料來稿原文：

「校園眾生相

筆者縱橫學校數十載，閱人無數，仲有一兩年退休，回頭一望，特別係離數載既變化，只有連聲慨嘆……

類別一：呢樣唔關我事，唔係我負責！

負責圖書館嘅，訂書唔關佢事、館內秩序唔關佢事(佢認為應該係應該係訓導組嘅事？！)

遲還書叫佢所謂相熟學生去逐班追！請問有咩嘢至關佢事？做班主任嘅，自己班學生遲到唔關佢事(應該係訓導組嘅事？！)、

自己班學生長期缺席唔關佢事、了解學生家庭背景突變，都唔關佢事！(佢地話呢啲應該係輔導組/社工負責？！)

類別二：你有你deadline，我有我扮唔知！

話明成績評語之類既學習報告要幾月幾號交，點知過咗deadline都無人交！負責老師三催四請都唔交，

結果搞到要校長大人親自出電郵命令交才開始有人交！點知交咗等於無交，到話出報告準備家長日見家長用時，

至話要改離樣改果樣，結果搞到校務處職員趕工趕到阿媽都唔認得！(敢deadline上繳時又唔講，唔臨到家長日都唔講？)

類別三：哎呀，我今日好多堂上好忙交唔切呀！

每次敢樣情況，總會講：我今日放學前交返俾你呀！結果…，等到全校學生幾乎走曬，應承咗交嘅老師都未出現…，點解？

原來佢已靜靜雞雲其他老師收工時幫佢簽埋走…，結果等嘅同事白OT白等都唔知做咩……

類別四：有校規等於無校規，仲會講，「校規大定佢大？！」

校規講咗，無負責老師當值時候唔可以留起學校做任何活動。點知，筆者入咗果間學校做禁耐，全校最大聲果個，竟然係全校最無視校規果個！

成日叫啲學生返黎活動，但佢唔返，亦無叫其他老師返，由得校務處書記又好，校工又好，邊個返工邊個就要幫佢全程睇住個學生？！

大佬呀，佢哋唔係你私人秘書，亦唔係你出錢請佢哋返黎！

係學校出錢請佢哋返黎做，佢哋無義務幫你去做一啲唔關佢地事或任何同訓導有關嘅工作呀！

萬一出咗咩事俾家長投訴，又係幫你頂包睇仔既同事食咗佢呀？！

個學生萬一起學校有咩意外，一個職員仔點識得處理呀！

類別五：應承過咩，無啊！我都無應承過你任何嘢！

筆者縱橫教育界多年，對離種無賴最佳既辦法就係，咩都要白字黑字講明，千祈唔好相信任何口頭承諾，無論果位同事同你有幾熟都好！

筆者最後結論就係，開始明白點解而家d學生越來越多無賴情況，原來一切都係種瓜得瓜，種果得果！俾點樣嘅老師教，就會有點樣嘅學生。但當然其實而家都有少數真係好盡責嘅老師啦，但俾筆者數十載前年少讀書時嘅光景，真係天壤之別也！」

睇完之後，謎底終於解開了，唔怪得教書嘅大壓力，讀書嘅更大壓力啦﹗

網上討論區近日瘋傳一間名校的已婚男副校長與該校一名女學生發展師生戀婚外情，引發網民高度關注和熱烈討論。

網上流傳二人疑在酒店房間拍攝的合照，疑似二人的短訊對話亦同時曝光，內容顯示兩人或曾有親暱行為，

女學生擔心懷孕，男副校長在短訊中安慰女生，但指自己有老婆兒子，不能與她遠走高飛。

大批網民不恥該副校長的行為，質疑有人違反教師的專業操守，發起向教育局投訴要求徹查。教育局證實收到投訴，學校已展開調查。

轉載請註明來源：今天頭條