揀男友前先揀樓？呢位單身女識揀

Tvb每年都會有個勁爆嘅時事節目引起話題，今年則有以買樓為題材嘅《有樓萬事足》，點知片未播，已爆出22歲單身女Seasun一句豪言壯語:「無樓嘅話唔好白撞。」全城空心男人，當然即刻睇到實。

任職珠寶公司職員嘅Seasun，認為男人送樓最能表達愛意，要講標準嘅話：「2000呎嘅何文田舊樓差唔多。」

睇番該區發展，何文田站上年通車，區內正值發展階段；加上區內地皮供應相當有限，如果以新世界（00017）及恆地（00012）就何文田祐滿樓舊樓強拍作標準，重建商住大廈嘅麵粉呎價都要7000幾蚊，其實，用樓去量度男人實力嘅Seasun都算幾識揀，一講就講二手樓成交帳面隨時獲利3成嘅何文田，而唔係太古城。

與其話Seasun揀嘅係男人，不如話係真揀樓。

（tvb預告片截圖）

就算男人送層樓，都唔係乜都要？

根據資料，剛過去嘅新年，何文田山畔先啱啱做到雙破頂，頂層複式大宅連2個私家車位，售價為7263萬元，呎價44125元，樓價同呎價都創項目新高。樓盤累售至少160伙，入住者非富則貴。事實上，「皓畋」亦係另一個焦點，唔少明星都有入何文田插旗，除咗鄭嘉穎一口氣以2349萬元買入兩伙皓畋外，據報佘詩曼亦都買咗。雖然，「皓畋」呢啲細單位，估計要2000呎嘅Seasun，應該會睇唔上眼了。

以上呢啲中產都未必有嘅生活，識揀男人嘅話，的確可以隨樓附送。

（《有樓萬事足》於2月20日至24日播放）

所以話男士今時今日，無何文田樓真係唔好白撞，至少如果要揀Seasun呢類小姐做你女朋友，無可能叫佢住元朗陪你搭車返工吧。

轉載請註明來源：今天頭條