有無綫「超級筍盤」之稱嘅42歲天然呆馬國明，自從多年前同胡定欣甩拖後，感情方面一直未有著落。

最近馬國明被傳被27歲嘅宅男女神黃心穎主動追求，之後兩人暗中撻著，心穎更被指不時在深夜親自駕車「偷運」馬國明返屋企。

就此事聯絡馬國明，馬國明避談謂：「笑嚇啦……（覺得心穎呢個女仔點？講到好似佢追你咁喎。）都係1句……笑嚇啦……」

「最緊要啱feel」

至於黃心穎則透過短訊回覆否認戀情，並指與馬國明是合作過多次的朋友，她笑說：

「我都喺度諗幾時有車過佢？原來嗰張車照，係各人在自己車內。」

問到黃心穎與馬國明可有機會發展？她說：「筍唔筍盤，個人定義嚟㗎喎，哈哈。」問到馬國明係唔係佢杯茶？

心穎說：「冇咩話係唔係我嗰type，啱feel最緊要。」

被譽為「超級筍盤」的無綫小生馬國明感情生活愛玩低調，過往即使有拖拍亦死口唔認，但紙始終包唔住火，原來他與黃心穎因合作拍劇已秘撻1年多！

馬國明今次依然奉行「鬼祟拍拖」政策，經常凌晨時分才開車到女友香閨談心，而心穎為了投男友所好，即使未獲「正名」仍逆來順受，

日前更買大堆外賣飛車回家，似乎「佳人有約」！

現年42歲的馬國明與27歲的黃心穎撻著，可謂男才女貌。入行4年的心穎早已「神女有心」，人前人後都明言視馬國明為偶像，

年前客串拍攝《On Call 36小時II》更乘機與對方合照，並上載至社交平台「曬命」留言：「『第一次』拍劇竟然係畀咗馬明！」

去年兩人再合拍《為食神探》，其中一場親熱戲中，心穎更放下矜持主動投懷送抱，令馬國明神魂顛倒，兩人正式開始暗交！

心穎早前見男友生日，花上數萬元買錶做生日禮物，而馬國明為免戀情曝光，經常在凌晨時分才出入女友香閨，享受二人世界。

頭耷耷做「跟得女友」

「明心戀」發展至今已1年多，惟近日才逐漸浮面，馬國明向來愛玩地下情，密冚戀情是想讓粉絲繼續留有幻想空間，而心穎能夠將偶像

「據為己有」，自然百般遷就兼投其所好，但對於未能公開戀情，心裏絕對不是味兒，不時向身邊的閨密「投訴」。

不過，女生在愛情面前始終心軟，眼見男友熱衷打拳，心穎早前就被目擊喬裝做「跟得女友」，偕馬國明往各大拳館參觀「睇場」，

戴帽及口罩的心穎全程頭耷耷，與馬國明保持距離，似乎深怕戀情見光死！

預告情侶檔拍劇

對於戀情逐漸浮面，心穎昨日接受電話訪問，問到與「筍盤」馬國明可有機會發展？

她說：「哈哈，筍唔筍盤，個人定義嚟（口架）喎！（佢係咪你杯茶？）

冇咩話係唔係我嗰Type，啱Feel最緊要。」而她昨晚返電視城為新劇《雜警奇兵》開工，

例牌否認戀情：「我冇拍拖喎！（有冇發展空間？）我哋依家係朋友囉！（馬國明係你偶像？）

講嗰時都未入行，好多人睇電視都會有喜歡嘅演員，唔係嗰個Feel囉，依家係朋友幾好吖！（佢有冇追你？）

我諗冇，佢個人係怕醜啲。（話你主動追佢喎？）真係冇呀！」

她又預告稍後開拍《深宮計》會與馬國明飾演一對！至於黃心美對於妹妹拍拖表示「冇回應」，但坦言只要心穎開心便可。

文章來源: https://www.twgreatdaily.com/cat99/node1419867

轉載請註明來源：今天頭條