原來送花Iron Man同佢所謂條女又係做假！你以為Iron Man隔離條女真係佢條女? 少年你太年輕了, 條女叫Fion Wong黃淑瑩, 係奀星, 出過下寫真,
仲叫自己做新晉歌手tim！
而個送花Iron Man你以為真係佢條仔? 少年你又太年輕了,個送花Iron Man叫Paul Ho,
報紙訪問佢時就話自己正職設計師, 之前拍片宣傳又話自己係電影領班,間公司叫Galaxy Movie 銀河電影(同杜琪峯果間銀河影像係無關係既) ,
不過原來仲有第3個身份, 勁過鳴門影分身！
大家最關心既問題黎啦, 究竟佢地係咪男女朋友？條女2月4日出po叫Paul Ho做經理人, 今日Paul Ho就同傳媒講係佢女友, 明曬啦, Paul Ho旗下有班女叫Paul's Venus Princess (維納絲公主) ,Fion就係其中一條女, 其實佢仲有班女叫Super Sexy Hero (超級性感女英雌) , 仲拍過18禁三級寫真
拿, 而家就唔係唔俾經理人食女, 不過問題係傳媒問佢, 佢竟然答Fion係佢女友, 大佬阿, 你當我傻架, 女人化妝同唔化妝係大分別, 但係地鐵張相同Fion個樣好似爭好遠喎...
佢當然可以話地鐵條女同Fion唔係同一條女啦, 咁而家係一腳踏兩船, 定係Paul Ho講大話先? 又定係根本果間媒體根本無訪問過你？
Paul Ho同傳媒講識咗Fion約1年, 又話二人係喺動漫展結緣, 即係喺動漫展識咗, 之後簽埋佢？仲話一齊扮Iron Man同Iron Girl去迪士尼影相,
不過原來當日係傳媒優先試玩, 又明曬啦...
拿, 個阿Paul背後有條大水喉射住, 間公司叫Good Show TV Ltd. 間公司有咩人? 又係一啲講你都唔識既女女(艾美琦你識唔識?),其中一個董事局成員叫李文瑋Simon Lee, 原來夏蕙BB同佢關係好密切, 夏蕙BB仲係Good Show TV既合作藝人
咁今次呢壇野係宣傳咩野? 明眼人一睇就睇得出啦, 問題係如果, 我係話如果咋, 如果真係有間主題公園買左Star Wars個版權之後, 搵個老翻黎宣傳自己又算唔算犯法呢? 就算唔犯法, 我諗都激死George Lucas！
轉載請註明來源：今天頭條