近日熱播中的TVB劇《為食神探》中，黃翠如飾演的Kill姐man到爆，一身貨車帽斜孭袋打扮非常麻甩，說話粗聲粗氣，同過往的花瓶角色好唔同！不過有眼利觀眾就總係覺得翠如BB個男人婆造型非常面善，原因好簡單，因為大台劇每當有男人婆角色出現，個造型幾乎都係一樣！咁唔知翠如BB、胡定欣及黃智雯飾演的男人婆，邊一個係你至愛？

看《巨輪II》《為食神探》《城寨英雄》及TVB新劇！微信添加公眾號ID：ChannelTVB

有別於以往的花瓶角色，翠如BB今次在《為食神探》飾演岑愛嬌，人稱「深水埗Kill姐」，在該區當收買佬及貨車召司機，精通各類電子儀器，成件事聽落好Man！

看《巨輪II》《為食神探》《城寨英雄》及TVB新劇！微信添加公眾號ID：ChannelTVB

而佢在劇中的造型亦相當有佬味，留長髮但束馬尾，一頂男人婆不可或缺的貨車帽，兼長期戴住手套，真係好麻甩！雖然翠如BB依然咁靚女，不過舉手投足粗魯過男人，講嘢粗聲粗氣，係男人都怕咗佢！佢仲有句霸氣口頭禪︰「我開片當開檯，劈友當食生菜！」

不過劇中最後翠如BB會同香香一齊披上嫁衣，相信係佢全劇唯一似番個女仔的一幕，真係好期待！唔通佢真係會嫁俾祥仔？

第二位出場的男人婆，相信大家都唔會陌生，就係由視後胡定欣飾演、神劇《一屋老友記》中的朱燦燦！劇中的燦燦係一名水電維修師傅，家居大小工程都難唔到佢，不讓男士專美！燦燦為人最講義氣，有恩必報，對身邊朋友照顧有加，真係好有男子氣概！

造型方面亦係熟口熟面，例牌長馬尾加頂帽，長期都係軍褸牛仔褸波鞋，仲加個好麻甩的腰包！同Kill姐個斜孭袋有異曲同工之妙？

不過男人婆唔代表冇人鍾意，《一屋》中燦燦最後都與歐陽震華飾演的大寶拍拖，有情人終成眷屬！

其實另一大台靚姐仔黃智雯都做過男人婆！佢在2012年劇集《巴不得媽媽》中飾演夔懿曦(咩名嚟㗎大佬)，係一位女性裝修師傅，雖然裝修工作待遇唔算高，又會經常搞到蓬頭垢臉、衣衫破爛，不過可以做自己勝任的工作，故依然感到幸福。

同以上男人婆一樣，夔懿曦最終都可以與有錢仔翟有聲(羅仲謙飾) 成為一對，童話故事成真！但黃智雯劇中造型實在係無需多講，同胡定欣好似的綠色帽、同翠如BB好似的紅黑格仔恤衫，難怪觀眾都認得出，大呼TVB冇新意！

轉載請註明來源：今天頭條