於紐約讀戲劇的陳法拉出席於當地舉行的時裝周，於當地時間10日現身Kate Spade秋冬2017，穿上品牌花卉圖案的法拉大讚今季設計很美，充滿異國風情。

問到情人節可以選條花卉圖案裙穿著？她笑言：咁唔使送花。（情人節點過？）完全唔知，個日冇堂可以休息，夜晚睇Cate Blanchett（姬蒂班查）舞台劇。

（同男友一齊睇？）我買咗兩張飛，睇邊個同我睇。

早前陳法拉曾與一法籍男子約會，問她預備了禮物畀男友？她說：「完全未，好忙，呢個星期返學要唱歌，似音樂劇，體力同聲音都好大輸出，出live ，冇咪，靠自己，今晚六點同九點都有演出，今個星期有8場，好攰，一陣要warm up。」

提到月尾生日，她表示生日在飛機上過，因為有兩星期假期，會回香港工作。

法拉新男友大有來頭，哈佛大學畢業，熱愛中國文化，能講一口流利普通話，中文名叫司馬諾，曾經做過數學老師，06年時更擔任法國駐日本外交官，主力分析中國及日本的金融行情，11年成為Prada美國CEO特別助理，12年創立製作網頁同app的Bubble，業務更發展到去台灣。

據知，熱愛中國文化的司馬諾，當他知道有朋友認識一位來自香港的女性，主動要求介紹，經過幾次約會之下，兩個就由朋友變戀人，這段戀情開始了半年時間左右。

轉載請註明來源：今天頭條