上年港女嘅名號再次衝出國際， 當然大家都知小編講緊嘅唔係好個方面啦，其實無論係男定女都好，係人都有缺點嘅，

老土講句最緊要要知錯能改，如果係對住另一半或者男女朋友，就更加唔應該令你愛嘅人難做，

今日小編就羅列咗五大男士最怕女友係旅行做出嘅行為，港女們醒醒定定啦，平唔平反到睇今次啦。

1. 男友奉旨岀洗費？

正所謂呢個世界上冇野係必然嘅，除咗你阿媽對你好之外，所以女士們千祈唔好諗住同男朋友去旅行，就係唔係都叫人哋比曬錢。

可能有啲女士會覺得出得黎玩男朋友負責洗係應份嘅，試嚇調返轉諗丫，如果你無啦啦去旅行要比多一陪嘅洗費，你制唔制先？

己所不欲，自己醒目啦。

2. 黑面的路痴

相信醒目嘅朋友睇到呢五個字都知小編講緊乜，其實你唔識路真係唔緊要㗎，我相信大部份嘅男士都好樂意做人肉GPS，

只不過run gps 都要時間啦，何況係人手搵路，人哋搵唔夠5分鐘即黑面，都真係幾難頂架。道理就同你一番努力咁煮緊餐飯，

你隔離嗰個就係咁係到嗌肚餓，又唔幫手，唔通出聲話佢咩。

3. Model上身

鍾意影相真係唔緊要嘅，鍾意自拍都係冇問題嘅，鍾意影完即刻post上IG都係好合理嘅，只不過，凡事都要適可而止，

如果明明行半個鐘嘅景點你影咗個半鐘都未走得，又真係好難唔俾人話你港女嘅，記住你唔係一個人去緊架嘛，

隔離嗰個等你咁耐真係好慘架。

4. 公主出巡

好多人係屋企都會有一個毛病，就係變咗癱己，有啲女仔好鍾意點人做野，例如喺酒店上咗張床，就係唔係都叫個男朋友幫佢拎野，

其實郁下係咪真係咁難呢？不過公主仲有另一個毛病，就係負自理能力，好似住民宿連爐都唔識著，又或者啲嘢亂咁放，大個架啦生性啦。

5. 無限期地慢

如果你明知自己化妝整頭連沖涼要成兩個鐘出門口，好心就早啲起身，如果唔係男朋友起咗身坐喺度等你兩個鐘，話你又唔好意思，唔話你又唔知做乜好，自己醒目唔好令大家難做啦。

轉載請註明來源：今天頭條