本身我同太太一齊住既，小弟自問比起身邊男性朋友都算係乾淨衛生，最起碼唔會俾人話污糟邋遢先啦，而我太太係佢阿媽多年來強迫教育下，當然唔會污糟得去邊啦。

舊年太太懷孕之後，我岳母就搬過黎幫手照顧佢個女，其實係之前已經聽聞過岳母大人有潔癖，所以係佢搬黎之前我已經大掃除左一次，最後以我地常人既標準，當然瞞唔過佢法眼啦。

起初黎到都無乜野既，都係默默自己係到執下野，用消毒水抹尼到抹果到，慢慢過左一兩個月後不知不覺間，生活上多左好多規矩。。

出完街返到屋企要洗手同換家居服先可在屋企活動。

去超市買完野d野唔可以放廚房台面，要先放係地下再拿食物出黎才能放台面或雪櫃。

廁所塊鏡要零水漬，洗完手之後要用毛巾抹返水龍頭上既水，如果唔係乾左會有水漬。

我地屋企養左隻狗仔，每次摸完佢一定要洗手，有時放佢出後園玩完，返黎唔洗旨意出廳，只可以係留係洗衣房入面，直至有人幫佢沖涼之後。

屋企每張台，梳化，每個地方無論你擺左d咩係到，最耐2日後就會消失，果時你就要去櫃筒搵返出黎。

有朋友黎屋企食飯，客人走左之後要用消毒水抹梳化。

我地屋企有兩層，從樓梯開始到樓上全層都係地毯黎既，上樓一定要著樓上既拖鞋，因為怕踩污糟地毯。

樓上都有個小客廳，尼張梳化你出完街返黎未沖涼或者唔著家居服唔洗旨意坐落去。

bb出左世之後，bb多數係我地間房架嘛，所以而家出完街d衫唔准帶入房，要係隔離房換完掛隔離房。

沖涼房d玻璃門，沖完涼要用水刮刮乾。

睡衣同家居服係分開，上床一定要著睡衣。

有時起身換完家居服係屋企，就算你無出街，未沖涼你都唔可以返上床，想訓晏覺既話一係梳化一係樓下客房。

放工返黎我有時會沖個涼先，吃完晚飯睇陣電視，想上樓訓教佢會叫你沖多次涼先上床訓。

有時我累起上黎彩佢都傻，佢就係到囉囉嗦嗦話污糟話性。。。

而家BB出左世，對BB既日用品更加講究，洗衣機，晾衫架&夾 尼d新買返黎單獨用唔洗講，尼樣又唔得果樣又污糟，有時搞到我尼個岩岩做人老豆既無乜自信，對BB好似好不負責任咁。。

我太太從小就過咁既生活就話慣左，不過佢有時都會鬥2句嘴，不過一個正常人又點會夠一個有強迫症既人理論啵，再加上我尼個做女婿邊好意思反駁丫。。

最慘係我太太由細俾人寵大，到而家20歲尾做左人阿媽都仲係個媽寶，有咩事就搵阿媽。

另一邊廂又唔肯放手，管左20幾年到個女做埋阿媽都仲要一手包辦，真係愛你邊成害你。

而家都唔知佢會繼續湊女湊孫到幾時。

最驚係惡性延續落去俾個BB，我真係唔想個仔係溫室長大。。

轉載請註明來源：今天頭條