年年出去拜年我阿姨都問我做緊咩，

跟手就讚自己個仔讀緊名校，

又叫我唔好再做設計撚，

等佢個仔幫我補習補返入大學。

我以前雖然都讀band 1，

不過幾乎考第尾，

搞到年年都喺班親戚面前畀我阿姨奚落，

連我老母都唔想再去拜年。

好衰唔衰上個DSE佢個仔炒咗，

喺表哥既關心之下得知佢得13分，

重要同我阿姨嘈交嘈到跟條女走咗，

到依家三個月都未返。

尋日成班親戚食飯，

我阿姨死頂話佢個仔唔想入港大讀醫，

想重讀一年入咩環球經濟，依家喺屋企努力緊。

我本來都好愛護呢個表弟，

細個成日一齊玩，感情好好，

但一諗到佢老母咁對我，

我緊係懶驚訝咁嚇咗聲，

跟手再話明明表弟同我講得13分，

我重問阿姨洗唔洗DSE之前幫下佢，補到夠20分。

我阿姨即刻面都黑埋，

話我細個唔好好讀書，又學人講大話，

我問佢係唔係羨慕我哋母慈子孝，

我又嘴咗我老母塊面一啖話：「一家人最重要都係齊齊整整」

點知我阿姨隻眼紅曬，

話我長幼無序、尊卑不分，

又指住我老母大大聲講臭罌出臭草。

我班花生友親戚淨係喺側邊口嗡嗡話一人少句，

講埋曬啲冇撚幫助既廢話，

而我面對阿姨咁暴力既言論，

我好冷靜咁講咗句：「你想唔想知你個仔喺邊？」

結果佢喊曬口求我話佢知，

幾乎跪曬咁叫我幫佢講好說話，

連我啲姨媽舅父都抆佢唔住，

最後重攬實我隻腳問我想要幾多錢，

我見到佢咁慘，都唔忍心繼續撚佢，

唯有好誠實咁答佢：

「其實我都唔知喺邊。」

最後我一封利是都冇拎走，重豪洗四千埋單。

依家諗緊點捱到月尾

轉載請註明來源：今天頭條