好快就過年啦，新年放幾日假，除咗拜年，行街或者旅行之外，咁仲有咩做？
當然就系睇賀歲片啦！今日就同大家介紹返十套睇極唔厭嘅經典賀歲片！
1. 《家有囍事》（1992）
講到賀歲片當然要有周星馳啦！
雖然星爺受歡迎之作實在有太多，不過《家有囍事》一定系經典中嘅經典。
雖然故事無厘頭，不過都帶出咗一家人嘅溫馨、大家互相支持嘅精神，十分適合一家大細一齊睇！
2. 《逃學威龍3之龍過雞年》（1993）
唔鍾意睇溫情片，動作片嘅周星馳亦當然有貨啦！
《逃學威龍3之龍過雞年》系逃學威龍系列中嘅最後一集。
故事講述周星馳為咗調查城中富豪王百萬被殺嘅案件，繼而同梅艷芳飾演嘅王太擦出火花。
3. 《行運一條龍》（1998）
雖然《行運一條龍》嘅海報上面系有周星馳，不過星爺喺電影出現嘅真正時間只得10分鐘。
雖然系咁，電影話曬都由李力持操刀，當然笑料百出！
4. 《喜劇之王》（1999）
呢套電影雖然叫喜劇之王，不過故事會令你笑中有淚。
周星馳飾演一名茄喱啡，故事講述佢點樣拼搏想上位。
有人話其實呢套電影系周星馳頭8年做茄喱啡嘅辛酸史，捱得好辛苦先成為依家嘅國際巨星。
5. 《嚦咕嚦咕新年財》（2002）
打麻雀可以話系中國人「國髓」，新年唔打牌都唔可以話系過年。
由劉德華、劉青雲、古天樂、梁詠琪主演，再加上杜琪峯同韋家輝監製，絕對系誠意之作！
劉德華飾演嘅「麻雀大俠」由於牌品好，打遍天下無敵手。
不過後來因為前度梁詠琪嘅詛咒，搞到逢打必輸，不過亦因為咁而同細佬重修舊好，十分溫馨。
不過成套電影最重要嘅都系想提醒大家：「牌品唔好，即系人品唔好。」各位打牌留意喇！
6. 《行運超人》（2003）
由梁朝偉、楊千嬅、鄭中基主演，齋睇卡士都知好睇。
電影中楊千嬅由於受奸人陷害，所以頭頭碰著黑，不過就仍然樂天知命，後來遇上著名風水學家梁朝偉墮入愛河。
其後梁朝偉嘅風水大戰亞洲第一神算鄭中基，最後邪不能勝正，救咗楊千嬅。
劇情十分正面勵志，不斷提醒人要樂觀面對任何事，就算電影過咗十幾年都仍然好啱睇。
7. 《八星報喜》（1988年）
另一套經典作品《八星報喜》由一班電影巨星周潤發、張學友、鍾楚紅、鄭裕玲領衡主演。
當年上映就輕鬆成為電影票房第一名，電影講述一次電話故障，成功令到方氏三兄弟發展新戀情。
同樣有杜琪峯執導，結局當然與眾不同。
8. 《紅番區》（1995）
而家嘅人壓力大，如果想趁機會發泄下嘅話，不妨可以睇下成龍嘅《紅番區》。
當年成龍就系憑住呢套電影打入好萊塢，成為國際明星。
電影講述喺香港做警察嘅成龍去到紐約，將佢叔父嘅超市賣俾梅艷芳飾演嘅Elaine。
不過點知就經常被黑幫騷擾，成龍唯有出面幫拖，最終捲入黑幫嘅腥風血雨。
9. 《賭城風雲I》（2014）
拍賀歲片常客王晶嘅電影嘅確陪伴唔少人成長，而佢近年拍攝由周潤發同謝霆鋒主演嘅《賭城風雲》系列亦非常收得。
10. 《嫁個有錢人》（2002）
可以《嫁個有錢人》當然系唔少女士嘅願望啦！
故事講述女主角鄭秀文本來幫老豆打理煤氣鋪，每日都要抬煤氣好辛苦，就好想嫁個有錢人。
後來遇上任賢齊而相戀，點知任賢齊突然消失，之後又遇到城中鑽石王老五追佢兼求婚。
點啊，盤點咗咁多套，你最鍾意邊套啊？
文章來源: https://www.twgreatdaily.com/cat99/node1407445
轉載請註明來源：今天頭條