洗米華旗下嘅娛樂集團早前就搞周年晚宴，負責人黃柏高、旗下歌星許志安等都有出席。

自從同Mandy Lieu嘅小三事件之後，老婆陳慧玲(Heidi Chan)就即時要鬧離婚，只係洗米華一直都唔願意簽紙而且兩人依家仲係分居狀態。

不過日前係周年晚宴上面Heidi除咗有一身黑色deep V盛裝出席之外，仲同三個仔女齊齊現身充滿家庭樂。

而且有指出當晚洗米華仲拖住Heidi滿場飛周圍敬酒，好明顯係想肯定「一個周太」嘅地位啦。最後係Heidi仲係IG到放相留言「溫馨全家幅」，

睇嚟關係有啲軟化同可能有轉機喎。

澳門賭業猛人、兼太陽娛樂文化老闆周焯華( 洗米華 )有錢又有型，雖然有位為佢誕下兩名子女的紅顏知己Mandy Lieu，

不過佢跟早已宣布會離婚的正印太太陳慧玲( Heidi ) 若即若離，近日兩人多次同場出席活動，表現親暱，似有復合之勢！

洗米華與Heidi雖處於分居狀態，但男方一直落力挽救婚姻，日前有指佢決定禁止Mandy返港，終於成功冧掂洗米嫂唔再嗌離婚！

不過事情有新發展，去年八月洗米華與Heidi呢日在澳門一同出席好友的生日派對，期間略帶醉意的洗米華到台上大唱情歌冧Heidi，

之後仲出手攬到對方實一實，據知Heidi感動到不斷落淚！同月另一個晚宴上，洗米華又擔任嘉賓上台頒獎俾Heidi，幸福感滿溢！

男士們有時候總會做錯嘢或者講錯嘢而激嬲另一半(不論係咪感情缺失)，你又會用乜嘢嘅方法去補救或者氹返佢呢?

真誠道歉

男士們都應該明白同好有體會，無論件事係咪真係自己做錯都好，道歉同認錯肯定係走唔甩。但如果真係自己做錯咗，就需要真誠嘅道歉，唔係平時嗰種心甘又不情願嗰種。

誠心改過

道歉只係第一步同基本嘅一步，知道問題嘅癥結時，當然就要立即改過啦。

如果係洗米華呢個情形下，相信只有同小三劃清界線先可以完全氹得番老婆啦。

持之以恆

情侶們有時有拗撬可能只係因為好細微嘅生活小習慣而引起，例如亂咁放嘢無手尾、覆message唔夠快……

所以改完之後最重要係持之以恆，否則同一件事嘈完又嘈，最後就會好似個雪球咁愈滾愈大。

畀佢面子

女士們其實好可能比男士們更加需要面子同認同，所以你做嘅舉動除咗畀佢睇之外，

更重要係俾佢身邊嘅姐妹朋友見到例如你點樣對佢好點樣錫佢等等，令到佢覺得有種贏咗嘅風光同可以令你臣服嘅感覺。

轉載請註明來源：今天頭條