本身唔係客家人

但自細就好鍾意食客家菜

可能貪佢夠香口同味濃

(鹽焗家、梅菜扣肉、客家釀豆腐、酥炸豬大腸、京都骨、椒鹽鮮魷、胡椒白果豬肺湯)

通通都係「賣飛佛」

呢間懷舊客家飯店

開業超過半個世紀

全盛時期有好多分店

後來執執嚇…只剩番兩三間

而眾多間分店之中

呢間嘅環境係最九流

俗啲講句算係幾兜踎

但正正係咁嘅關係

所以呢間嘅收費亦係最平

另外又免茶芥同加一

其實唔講求環境嘅話

呢度算係幾經濟抵食

見好耐冇嚟幫襯

專登午市過嚟食碟頭飯

冇嚟一排

原來全部都加咗$2

雖然加咗少少價

但佢地嘅碟頭飯依然係平靚正

一流

街坊生意 , 茶水自嘅嚟

茶夠熱 , 亦有茶味

例水2碗 , 送嘅

雞腳湯

只係普通例水一碗 , 麻麻地

金牌鹽焗雞飯 $32

好大碟飯同好多雞

鹽焗雞皮脆肉嫩 , 鹹香味適中

好正

點沙薑汁食一流

梅菜扣肉飯 $35

扣肉7成瘦3成肥 , 炆得夠淋同入味

雖然明知唔健康 , 但真係好食到唔停得口

梅菜先係精華 , 吸曬扣肉嘅肉汁

加上本身又夠惹味 , 就咁食, 都可以送到成碟飯

2人埋單 $67

抵食

餐牌

轉載請註明來源：今天頭條