$135張飛，你俾我呀？宇宙巨G.E.M.大頭症出自傳電影 G.E.M中港票房全線仆直

咦！邊個返番地球？咪佢囉，G.E.M鄧紫棋呀， 返嚟出自傳電影《一路逆風》吖嘛........之但係, 全面負評，想票房大收，好有難度啫！

呢兩位真真正正超級巨星，生前紅透半邊天，都無聲氣話要拍自傳⋯⋯佢呢...入行得個十年，就話出自傳電影《一路逆風》。

班網友勁大反應，起勢插，但係佢哋講嘅，都唔係冇道理㗎，$135張，真係唔平。

成套戲仲要講國語，唔係die hard粉絲,真係好難投入去睇。最搞笑係話戲名叫逆風，新年唔多老黎！

國內連鬧都費事，直接反映係票房上，今個月6號全國上，9 日都收唔到三百萬元人仔，截至19日，全國主要院線已經落曬畫添...

唔怪得之前日香港首影佢即刻轉口風話：「 我話有一千萬人睇到就好啦！我亂咁噏嘅其實！ 」 G.E.M說。

宇宙巨G.E.M.（鄧紫棋）雖然入行只有10年，但已經行快好多前輩一步。只得25歲，就拍咗部關於自己嘅音樂紀錄片《一路逆風》，

不過，大批網民唔多buy，留言狂插：「返大陸啦！」

其實呢部紀錄片，內容講G.E.M.喺追求音樂同夢想嘅路上，點樣逆風而行走過人生低谷，仲喺事業得志之時，學習面對愛情失意嘅傷心，認真，其實部戲夠曬勵志。

片裏面除咗G.E.M.親自剖白之外，連鄧媽媽都有出鏡受訪，當然唔少得兩位好姐妹何超蓮同李蘊，更會播出未曝光嘅演唱會製作花絮。

紀錄片全長91分鐘，由英國著名導演Nick Wickham執導，將於本月20至22日喺兩間戲院上映。

如題，票價，係$135，好貴。

唔信，睇睇……

David Bowie紀錄片《David Bowie Is》票價$130

X JAPAN紀錄片《WE ARE X》票價$85/$100/$115

BIGBANG紀錄片《BIGBANG MADE：THE MOVIE》 票價$85/$120

其二，套戲嘅語言係普通話。

其三，臨近新年，片名《一路逆風》唔老嚟！

G.E.M.雖然喺上海出世，但4歲就跟父母移居香港，喺香港長大、香港樂壇出道嘅佢，處女紀錄片竟然講普通話，

喺大陸上映冇問題，但喺香港，$135一張票睇G.E.M.講國語、同埋幾乎九成大陸拍攝場景，除非真係G.E.M. 嘅fans，否則邊個肯睇？

香港一班地道網民，心直口快，炒蝦拆蟹留言狠批：

「X街啦，仲要普通話，返大陸播啦！」

「X你XX！新年流流一路逆風，XX啦！」

「$135？我買《一路向西》好過！」

「搵幾十億人仔都逆？」

「佢都叫『逆風』？咁深水埗天水圍嗰啲係咩呀？人貴自知呀！」

「講到拍音樂紀錄片，點解唔係張學友，而係阿宇宙G.E.M.！仲有，點解唔係廣東話！」

「廿歲就出自傳？畀你面對更加多逆境嘅藝人都未出聲啦！」

不過，亦有粉絲留言力撐：「睇完後可以感受到人生奮鬥嘅力量，值。」、「其實唔鍾意佢嘅人，咪唔好睇囉，好小事啫，做乜要加多句鬧人。」、「支持！」

對於音樂紀錄片被網民狠批三宗罪，G.E.M回覆《蘋果》逐一反駁：

1.票價$135太貴？

「票價其實係由電影發行公司制定，以我所知，有關方面係根據以往紀錄片電影或者演唱會電影嚟定價。」

2.香港都係上映普通話版本？

「其實今日啱啱出咗香港版預告，電影中其實廣東話、普通話同英文三種語言都有。因為電影中唔同事件發生喺唔同地方，為咗配合番受訪者嘅語言，就兩文三語都有。」

3.片名《一路逆風》過年唔老嚟？

「《一路逆風》係一部關於我由15歲簽約做歌手到今年25歲，10年追夢旅程嘅勵志電影，紀錄咗好多過程中嘅困難同挑戰，所以只係我自己逆風前行嘅經歷啫，希望其他人睇完會被鼓勵，會一路順風順水。」

轉載請註明來源：今天頭條