一對情侶喺拍拖時嘅消費，大多數都係由男方付出，呢個係拍拖嘅基本風度嚟。就算行街、睇戲呢啲消費真係要由女方出，次數都唔會太多，因為如果不停係由女方負責出錢消費，咁你將會被冠以「軟飯王」之名，對大部份男性嚟講，呢個名稱簡直係踐踏緊自己嘅尊嚴。但最近，香港又出現咗一位出色嘅「軟飯王」，而受害嘅，係一位23歲，皮膚白白滑滑，網名AXXX LXXXX嘅港女。

呢位美少女就喺facebook度話網名Rxxxx Lxx嘅前度男友欠佢十幾萬，因為佢前度喺拍拖時終日無所事事，所以要佢幫前度畀生活費、麻雀費同車馬費等，但因為當時仲係蜜運緊，所以呢位港女都繼續支持佢，但佢話前度都講明會還錢畀佢。但當分手後，事主追呢位前度男友還錢時，前男友冇還錢不突止，仲封所埋事主WhatsApp，搞到聯絡不上，港女勁嬲，要喺facebook度公開狂呻，仲貼埋前男友張相出嚟添。結果就當然唔止淨係分享畀facebook嘅朋友知啦，高登巴打當然第一時間幫佢傷心share啦。

巴打們睇到呢件事後，就立即開po分享畀其他巴絲知，有巴打就話事主蠢，咁易畀男人呃，但都有好多巴絲話個男仔係「軟飯王」。

或者我應該同大家交代下

我前度本身話淨係比返5萬我,

但講完無耐就block左whatsapp,

喺我搵唔到佢既情況下,

唯有靠網絡希望有人睇到叫佢唔好逃避,

而家聯絡到佢, 佢話block我係唔想再同我傾,

而唔係唔還, 佢仲keep住我account話每月會還返比我,

咁我都係到為佢澄清返, 係我誤會左佢動機,

我會選擇相信佢最後一次,

Btw我自己都有唔岩, 唔應該衝動去判斷一個人,

畢竟大家相愛過甜蜜過,

其實無咩必要我都唔想做到咁,

都希望大家唔需要再評論任何野,

謝謝各位支持同關心!

事主啱啱就喺facebook度澄清，話前度淨係會還5萬畀佢，仲話前度講block佢WhatsApp係因為唔想再同佢傾，搵到工就會還番錢畀佢，跟住竟然話信埋佢最後呢次。睇嚟事主都仲係好放唔低呢位「軟飯」前度喎。

轉載請註明來源：今天頭條