港女系點樣煉成嘅？

有人話系男友寵成，亦有人話系天生。

唔知以下呢位你又覺得系前者定後者？

是咁的，最近有位港女就喺論壇圖文並茂，將男友嘅「惡行」放上網「公審」。

咩惡行？咪就系將餐廳食唔曬嘅餸菜「打包」聽日再食咯。

呢位港女仲話男友呢個行為「cheap到爆……真系好失禮」！

港女仲指兩個人埋單只系食咗$104，咁都要打包。

之後又因男友覺得袋膠好靚唔捨得用，所以佢就咁拎住個飯盒走。

於是呢位港女咪嬲嬲豬咯。

節儉本嚟系美德，但女友唔領情，反指「cheap到爆」、「好失禮」。

好多網民就狠批呢位港女打橫嚟講，明明好事都變壞事。

又話港女生有個絕世好男友，系身在福中不知福，仲話港女「諸多不滿，不如放生佢，唔好害人」。

當然都有部份網友撐港女，話其實男友都有問題，強逼女友做唔鍾意做嘅事，又指男友「唔識趣」。

之後港女又拎男友「罪狀」出嚟，話平日「行街買化妝品、衫，都逼佢唔好買，又俾說話佢聽」，認為「其實咁真系好小家」。

不過點講都好，既然覺得男友咁「衰」，真系放生佢吧啦，擺上網「公審」好好玩咩～

轉載請註明來源：今天頭條