TVB劇集情節，由以前套套大結局都是上天台BBQ，到近年差不多每套劇都必定有強姦情節，劇情簡直倒模一樣。
以下就是TVB近年的十大橋段，真是每一套劇都會出現，來看看你知道多少：
1. 強姦
近期出現最多嘅劇集橋段應該都離唔開女主角險被強姦，今年台慶劇《巨輪II》嘅女主角陳凱琳喺短短數十集內就多次被養父企圖強姦，亦喺沖繩旅館差啲被一名男子強姦。
而新劇《致命復活》，萬綺雯己經3次險被奸，單單喺一套劇入面已經出現數次強姦情節，絕對是十大橋段之首。
2. 流產
流產亦系TVB劇嘅常用橋段，而劇集內有90％流產意外系因為唔小心碌落樓梯而造成，雖然未必系碌落樓梯，但確實有唔少劇都有意外流產或者被迫人工流產嘅情節。
近期新劇《致命復活》同《幕後玩家》就系其中嘅例子。
3. 中風
生老病死系人生必經階段，不過TVB劇入面嘅富豪多數只有一個病，就系急性中風而。而之前都講過，TVB入面更有一個御用中風演員，就系《幕後玩家》飾演顧復生嘅潘志文。
佢喺《EU超時任務》同樣系中風收場，見到佢大家都有心理預備要睇佢中風了！
4. 偷聽
TVB劇集入面嘅角色好似都唔明白隔牆有耳嘅道理，永遠都會被其他人偷聽到對話內容。
輕則就系一班女同事喺公司廁所嘅對話被匿喺廁格嘅人聽到，重則就連機密資料都會喺後巷等地被敵人偷聽到。
5. 大結局紀律部隊齊出動
大結局除咗上天台BBQ之外，有關紀律部隊嘅劇集如《學警出更》、《法證先鋒》、《飛虎》等，逄大結局必定會全隊人整整齊齊十分有氣勢咁出動！
6. 爭產
爭產系TVB劇入面另一重頭橋段，好多時候都離唔開富豪中風，先系富豪中風然後（同父異母）子女就會出來爭家產，不過到最後系唔系都會良心發現？一家人最重要？
7. 歡喜冤家變情侶
TVB大多數劇集入面總有一對角色系由水火不容變成真心相愛，每次睇劇集睇到男女角色一開頭互相鬥嘴，就知道呢一對歡喜冤家喺結局必定會成為情侶了。
8. 去機場追人
明明男或女主角一早知道對方將會離開香港，但永遠要到臨上機前一刻先至搭的士再中途落的士狂奔到機場追人，多數另一主角總會依依不捨一直回望唔入閘，因此追到嘅機率高達90%，就算追唔到，幾年之後亦會重遇。
9. 絕症都會奇蹟醫好
TVB劇集嘅橋段唔系生離，就系死別，多數男或女主角發現自己有絕症預備默默離開之時，發現對方非常重要，當然劇集唔可以太過慘痛，最後有絕症嘅一方終會等到奇蹟將病醫好。
10. 交通意外昏迷後失憶
TVB劇集仲有呢個交通意外昏迷後失憶嘅例牌橋段，喺《巨輪II》入面阮兆祥就因為飛機失事而失憶。
轉載請註明來源：今天頭條