呢排俾講得比較多嘅《幕後玩家》終於就大結局咗，估唔到一套原本話以公關做主題嘅劇集都可以咁勾心鬥角咁多人死，利害利害。劇入面唔少人都話龔嘉欣演技出色好有進步，但同時間好多人都發現黃翠如係劇入面無論係悲傷同喜樂或者其他情緒，表情都係同一個樣，頂多只可以劃分為笑或者唔笑兩種，仲俾網民整咗個表情懶人包出黎，或者翠如BB都係適合拍旅遊節目多過劇集。

但提到演技差嘅藝人，又點少得以下呢幾個呢？

陶大宇

陶大宇已經無喺大台出現，但都拍過唔少令人印象深刻嘅劇集。但最令人深刻嘅相信就係佢嘅招牌演技遮住塊面再加「呀」一聲，有時仲要一集用幾次，「呀」到觀眾都覺得煩。

陳凱琳

港姐出身嘅佢好快就係舊年嘅《張保仔》擔正做女一，但佢嘅演技同動作都被評浮誇同做作，加埋表情成個迪士尼公主咁，就連黃秋生都忍唔住要提點一下佢。

蔡思貝

同陳凱琳一樣係港姐出身，而且好快就係《衝線》到做女一。但有睇過佢做戲嘅朋友都知佢成日都好嘈而且無演技，經常都淨係碌大雙眼理直氣壯咁望住對手。加上佢同木村又真係成個餅印咁，令到人睇完都覺得特別煩。

轉載請註明來源：今天頭條