綠葉王梁健平再唔系綠葉王，佢之前衝出香港，獲邀請參與韓劇《命中注定我愛你》演出，雖然系客串演出，但呢場戲系佢同韓星張赫嘅對手戲，到唔少網民都大讚。

在電視圈捱足28年的綠葉王梁健平，觀眾認得樣，但未必叫得出他的名字。梁健平現為港視藝員，卻因港視不獲發免費電視牌，令他前路茫茫。幸好給他趕上尾班車，主演短片《三輪車伕》擔正人生第一個男主角，角逐多倫多影展最佳短篇電影，下一站更準備參戰康城，進軍國際！縱使將來不能名成利就，梁健平亦早有打算：「我揸車洗碗都得，唔係做演員就身份尊貴。」

現年54歲的梁健平，最近因為衝出香港，客串演出韓劇《命中注定我愛你》而備受注目，加上他處男下海擔正做男主角的18分鐘短片《三輪車伕》（Tricycle Thief），近日被指在多倫多國際電影節奪得最佳短篇電影，網民為他高興得熱烈彈琴熱烈地唱，連廖啟智也發短訊恭賀，一時間令梁健平人氣急升。

最近，梁健平進軍電影圈，兼且做埋主角添！佢接拍一部英國導演執導，喺澳門取景嘅短篇電影《三輪車伕》。喺戲中，梁健平飾演三輪車伕，意外地喺黑幫手中得到一個手提袋，佢原本以為系錢，但點知竟然系影響佢一生嘅嘢。

呢部《三》片榮獲2014多倫多國際電影節最佳短篇電影，梁健平今日喺電話中表示：「今朝知道呢個消息好開心，拍呢部電影對我嚟講好有得著，喺拍攝過程中，感受到外國團隊嘅認真，雖然呢部戲只系短短15分鐘，但我經常要香港澳門兩邊走，目的只係為排戲，導演要求我用唔同演繹方法去入戲，系我從影以來未試過，以前喺電視台拍嘢，一系叫你排兩次，一系埋位就拍；加上今次只有我系正職演員，其他都系業餘演員。」據知《三》片更將會參加康城影展。

要成名發放正能量

不過，梁健平日前接受本報專訪先來個澄清：「一個美麗嘅誤會，其實我哋只係喺幾百條片入咗圍裏面嗰幾條，未攞獎，我好希望導演可以得到獎，佢好畀心機。聽聞部戲有機會變一部正式電影，導演Maxim Bessmertny話預咗我一份。」除入圍多倫多影展，梁健平聞得短片還會報名參加康城及其他國際影展，一於向世界出發。

能夠接演韓劇及《三輪車伕》，梁健平感激港視經理人一番努力，並形容：「我係絕對好彩。」雖然一下子由寂寂無聞變成有人講得出自己名字，梁健平坦言還未覺得自己吐氣揚眉，身為基督徒的他說：「我只係畀心機去做，每一次演出都當係最後一次演出，令自己更加投入同努力。唔理係主角好、配角好，就算路人甲我都好認真去做，呢個就係我工作態度。最緊要有工開。我想自己再出名啲，因為出名就可以幫呢個社會做多啲嘢，有感染力令到好多人聚埋一齊為社會做多啲好事，將更多愛同歡樂帶畀人。」

無綫捱到五勞七傷

在無綫的日子，梁健平吃過不少苦頭，連踩幾十粒鐘不眠不休打風落雨照開工已是「基本動作」，又試過拍古裝劇被武器打傷額頭，又腫又瘀繼續開工連戲，惟有將頭套拉到落眼眉遮掩。

經常被派演路人甲的他，最深刻一次是文戲臨時變成動作戲，梁健平說：「本來係傾偈，導演忽然叫我凌空抽起背脊落地，話覺得咁樣好睇好多，我咪去拍囉。地下冇墊，我拍咗兩次，第一次因為cameraman個位唔準，導演冇交代畀佢聽個位係點，跟住我第二次落地，背脊唔知邊度『嘞』咗一聲，好痛，收工返屋企係咁捽藥酒。最後場戲係剪走咗，聽聞因為同我做戲個男演員啲戲麻麻，出嚟啲戲我搶過佢。」

儲錢供兩女讀大學

當日梁健平在無綫以每月近二萬蚊人工撐起頭家，前年王維基的香港電視網絡高薪挖角，梁健平決定離開博一博，他說：「港視人工比無綫高一倍以上，我兩個女大，一個14歲，下月中四；一個16歲，下月中五，我好需要一份穩定收入嚟供兩個女上大學，呢個係最大誘因。無綫一樣有好多演出機會，但港視真係畀到一個好好價錢，希望呢幾年儲到嚿錢，畀兩個女讀大學，我心願係咁啫。」

港視不獲發免費電視牌照，梁健平固然徬徨，但未至絕望，他說：「我同港視仲有半年先約滿，人冇絕望，我哋永遠都有希望，唔做藝員咪做第二份工，我揸車洗碗都得，唔係做演員身份就尊貴，掃地洗碗都係有尊嚴嘅職業。當年拍《隨時候命》我做直升機師，我就諗會唔做揸貨櫃車揸van仔，嗰年我除咗的士牌之外，考曬所有營業司機執照，重型貨車、巴士、小巴，第日公司真係委派我做咁嘅角色，我就隨時候命可以做到。冇嘢做我咪揸車囉，有乜所謂，唔通揸車過唔到日子咩？好多司機都係揸車養家，職業無分貴賤。」

港視近日找李心潔拍攝的網劇《風雲》，梁健平也有份演出，據悉他正是扮演特首梁振英，對此梁健平只說：「我只可以透露做全港最大嘅人。」

梁健平（Leung Kin Ping

，1966年2月2日－），前香港無線電視及香港電視網絡（HKTV）演員。

梁健平演藝事業從1980年代中至今，第一部作品為處境劇集《城市故事》中飾演辦公室同事阿Sam。他是個資深的演員，擅長角色多為辦公室同事、高級職員、西裝友人等，忠奸皆宜。其代表作為《棟篤神探》中飾演阿平，與雪妮合飾黑白螢幕情侶。

2011年-2012年分別憑《潛行狙擊》的黑幫堂主「威利」；《耀舞長安》的教坊廚師「包昇」；以及《拳王》飾演富商大反派「陸光超」，均成為大眾熱話。

2012年離開無線電視，轉投香港電視網絡(HKTV)，結束26年與無線電視之賓主關係。

2015年離開香港電視網絡，結束3年與香港電視網絡之賓主關係。

轉載請註明來源：今天頭條