藝人鄭嘉穎擔任《第三十九屆十大中文金曲頒獎禮》的頒獎嘉賓。在後台受訪時，問到他有份參演的5D音樂劇《風雲》是否已開始排練？他說：「每個都單獨綵排緊自己嘅部分，未合體，三月先，好似積木咁啫，我哋自己排曬，三月份就夾埋一齊總綵排，都仲有一個月時間。」又笑謂自己不像同劇的謝天華是「舞王」，自己跳舞是弱項，所以要加緊排練：「或者可以問天華少少，佢記舞真係好快，有幾隻舞，音樂劇冇理由企喺度，有啲就武打，希望到時畀到5D嘅感覺畀大家。（點5D？有汗味？）汗味就難少少，有火有水。」

鄭嘉穎激讚女友整Cake有一手。

穎話會練嚇舞。

陳凱琳整餅真係有一手。

讚女友整Cake有一手

問到綵排時可有受傷？嘉穎指暫時未有：「依家排舞啫，多啲時間排舞先。（會出sound track？）要問陳太（陳淑芬），我哋負責錄音嘅啫，依家錄緊歌，我有8首，大部分係合唱嘅。」問到女友陳凱琳屆時可會捧場？嘉穎說：「梗係會啦！我阿媽又會嚟。（女友嚟幾多場？）睇佢使唔使開工先啦，要開劇嘅嚟到一場已經算好，唔使開劇就可以嚟多少少。（煲湯畀你？）蛋糕多啲，湯就少啲，佢話佢會研究嚇點煲好啲湯，我都對佢廚藝幾有信心，佢整蛋糕就幾拿手，大家遲啲有機會試嚇。（整結婚蛋糕定禮餅？）禮餅呢啲邊會自己做啦。」問到今年可會成家立室？他笑說：「你唔係今日問我呢啲嘢呀？今日講《風雲》，真係無可奉告。暫時工作先啦，未有planning，從來冇諗過！大家開心就足夠！（已求婚？）未，唔會求。」

鄭嘉穎（英語：Kevin Cheng，1969年8月15日－），香港著名演員及歌手，屬於前無線電視旗下經理人合約男藝員。鄭嘉穎以歌手身份出道，早在1990年代就獲眾多獎項，星路起伏後轉戰台灣，2001年重回無綫發展，憑藉《天幕下的戀人》人氣急升，獲得2006年度萬千星輝頒獎典禮最佳男主角，於2011年再度憑《怒火街頭》獲得萬千星輝頒獎典禮最佳男主角。現是香港無線電視一線當家小生，為無綫「五大小生」之一。他近年亦開拓內地影視市場，成為雙綫發展藝人，至今成為香港及內地當紅小生。 現任女友為香港無線女藝人陳凱琳。

陳凱琳（Grace Chan；1991年6月23日－），以嬌小玲瓏及大熱姿態於 2013年度香港小姐競選奪得冠軍；香港無線電視女藝人。

轉載請註明來源：今天頭條