港女：冇車冇樓OK 接受AA制
女網民鬧港男唔掂的Post，引起極大迴響。俾人鬧既港男，當然反擊啦。咁女孩子又點睇呢個Post呢？
冇拍拖嘅Candy就覺得香港男仔冇香港女仔咁叻，亦冇咁成熟，不過其實佢哋都唔係咁差，「沒有車和樓都沒關係，最緊要有上進心，肯捱肯搏。」
至於拍拖冇耐嘅Alyson就大讚男友，又話男友唔肯俾佢出錢，「其實我想付錢，但他不讓我付。」咁外國男仔咪真係好啲呢?「我暫時不覺得。」
而Hannah 就Sweet爆咁話自己接受AA制，「有時我付錢，有時他付錢。」力撐港男嘅佢都話「我自己比較喜愛香港男仔」。問到開Post個女仔算唔算港女? Hannah就話:「性格來的，都算。」咁咩人先算係港女呢?「港女呀?即是坐著什麼都不做。」
港男反擊：愛名牌又唔幫人諗
最近一位女網民喺討論區開Post，題為「老老實實，香港男仔真係好唔掂lor」。內容指自己今年27歲，跟幾個香港男仔拍拖，但就大彈「每個都好唔掂!」還列出六大「罪狀」，例如每次食飯要夾錢、冇上進心同人工低等等。
呢位絲打話前幾年去澳洲認識了外籍男友，仲話對方對佢好好，自由度好大，最後佢仲奉勸，「總之，姊妹們為咗自己將來著想，千祈唔好同香港男仔拍拖!」。就係咁，佢嘅「親身經歷」就吸引過千網友留言聲討，更有港男再開Post，題為「老老實實，香港女仔真係好唔掂囉」，實行嚟個大反擊。
之後，《壹》仔就呢個問題做街訪，冇女友嘅吳生就話，「其實她是踩低我們這些港男，說到我們好像很衰，其實我不覺得其他國家的男仔會好很多。」又話香港男仔都唔係咁差，「有上進心，一定的，不過有時我覺得他們好像將自己的地位降低了。」同樣係單身嘅李生就認為香港女仔可能比較祟洋，又話香港男仔勇於承擔，有責任感。
另外，有個台灣女友嘅陳生，就先大讚台妹，「台灣女仔有種嗲是香港女仔沒有的。(你喜歡人嗲?)對，我想大部份男仔都喜歡人嗲，很溫柔的。」問佢會唔會覺得外國人比較優勝?陳生就話:「我覺得不能這樣說，香港人教育水平高，見識又多，不會比外國人差。」咁港女又係咩呢?「港女定義?好像你說的買名牌，不會站在別人的角度去想。」
轉載請註明來源：今天頭條