無論喺電影圈定系電視圈，臥底題材都算系大熱題材！

喺電影圈最令人印象深刻嘅當然非2002年上映嘅《無間道》莫屬！

而最近推出咗一套《無間道》網劇，由王陽、羅仲謙、朱銳、蘇麗珊、羅嘉良、廖碧兒，劉松仁等主演，仲成為咗近期網絡熱話！

而其實TVB咁多年嚟，都有唔少經典嘅臥底劇，你又諗起以下邊一套呢？

《使徒行者》

《使徒行者》由苗僑偉、佘詩曼及林峯領銜主演。

當年一播出，唔少觀眾大讚高質，佘詩曼及林峯嘅合作擦出咗火花。

而佘詩曼更憑釘姐一角奪得「最佳女主角」以及民選視後「最受歡迎電視女角色」兩個大獎，由此可見此劇當年嘅威力！

即使今年TVB喺深宵時份重播，亦會喺網上掀起熱話，更有唔少網民表示，憑林峯喺《使徒行者》嘅表現，TVB欠佢一個視帝！

《潛行狙擊》

《潛行狙擊》由謝天華、黃宗澤、陳法拉、徐子珊及劉松仁領銜主演。

此劇系《學警》系列嘅衍生作品，由於Laughing哥（謝天華飾）喺《學警狙擊》中爆紅，TVB便趁勢拍一部以Laughing哥為主線嘅劇集！

值得一提嘅系，黃宗澤喺此劇扮演奸角確係十分出色！

《叛逃》

《叛逃》由陳展鵬、吳卓羲、陳茵媺及蒙嘉慧領銜主演。

吳卓羲已經唔知道系第幾次飾演警察了，呢次佢嘅角色系一名特別任務行動組督察。

但講開又講，吳卓羲演警察，的確好合適咯！

《忠奸人》

《忠奸人》由郭晉安、田蕊妮及吳卓羲領銜主演（嗱嗱嗱又系吳卓羲）。

郭晉安憑此劇第三度奪得「最佳男主角獎」，佢到最後都不變嘅「奸」，睇到觀眾咬牙切齒！

《雷霆掃毒》

《雷霆掃毒》由苗僑偉、林峯及徐子珊領銜主演。

林峯演呢類警匪片真系十分出色，而呢套電視劇亦被觀眾戲稱系「電視史上最悲慘嘅劇集」。

而徐子珊飾演嘅Pat更系「電視史上最悲慘嘅角色」。

不過正正系因為悲劇收場，觀眾先會對佢哋咁深刻！

除咗以上呢幾套，仲有邊啲「高質警匪臥底劇」你好鍾意嘅？

轉載請註明來源：今天頭條