藝人陳子聰在今年8月傳出因肝臟有事而入院，更有指期間他昏迷6日後出現失憶症狀。在9月出院後，雖然經手術同老婆何超儀貼身照顧後情況漸漸穩定，但好友徐濠縈意外上載其病照到社交網站而引起連串是非，更發現陳子聰面容同身形依然激瘦，同時仲有甩頭髮情況，未復其病前精神飽滿嘅狀態。

廿四味最近於IG上載照片，睇到陳子聰肥番啲喇！

陳子聰（後排左二）仲留番招牌羊咩鬚！

不過雖然3個月前嘅佢情況依然令人擔心，但經過一段時間靜心休養後，現時身體已經好番好多，佢最近仲約埋組合廿四味成員聚會！見到子聰增磅唔少，佢仲留番招牌羊咩鬚，型佬味出番曬嚟！有成員留言話：「The ol'boys. Eat, chill and be happy. #24herbs #crew #sagittariusbday #chillin #awesome」意思即係話佢哋一齊食飯吹水好開心，仲幫射手座嘅朋友慶祝埋生日！

陳子聰（左二）High爆歎酒仲舉埋中指！關之琳舊愛黃家諾都喺度（左三）。

雖然有指佢行路仍有些少拐腳未算健步如飛，但完全唔需要用拐杖輔助，而頭髮變得似番以前般濃密，面上亦開始有少少肉地，情況不俗，教人鬆一口氣。

陳子聰6月時被影到與超儀現身中環。

而另一張相，除咗有廿四味成員之外，仲見到關之琳舊愛黃家諾，見佢哋幾個男人除咗歎嚇酒，仲擺出chok爆樣影相，子聰更加擺出多個表情，仲舉埋中指，精神相當唔錯！

何超儀

徐濠縈

何超儀（英語：Josie Ho Chiu Yee ，1974年12月26日－），藝名何超，香港女歌手，電影演員，著名澳門賭王何鴻燊和二太太藍瓊瓔所生的幼女，其胞姐是何超瓊、何超鳳、何超蕸，其胞弟是何猷龍。

2003年在電影《豪情》中飾演風情萬種的口技女王「趙啷啷」，奪得第23屆香港電影金像獎最佳女配角獎。2004年，她主演同性戀題材電影《蝴蝶》，在威尼斯電影節首映，並獲提名角逐「國際影評人協會獎」及「人道精神獎」。她亦在獨立短片《太太》中，演繹一個生活沉悶的富豪妻子。

2003年11月，何超儀與陳子聰在澳洲註冊結婚。

2014年1月，何超儀獲無綫電視邀請拍攝新劇《再戰明天》[1]，並憑此劇獲頒萬千星輝頒獎典禮「最佳女配角」殊榮。

轉載請註明來源：今天頭條