今日，條女無端端約左又唔出黎，我知佢應該真係約左第二條仔，但我真係諗唔明點解有人會咁

話說我上個月響app識佢，同佢都好傾，我亦覺得佢係有意思，咁約出黎，之後都一齊左

我知佢識我前有識好多app友，佢話唔岩，唯獨是有一個識左幾個月，都有時不時見面，條友都搵得佢密，每次出黎都見到有msg 佢，又有時打俾佢，佢話知果個人細路仔咁又花心，話唔岩佢，只可做fd

我同佢其實到今日下午為止都好好，佢仲想我陪佢出trip,我今日知道條友約佢聽晚出去party,我好嬲，佢電話再問我出trip事，我話唔去啦，跟住佢突然話唔出黎，約左人，死都唔肯見我，我其實又唔覺佢whatsapp度係嬲左我，不過我知條友最近好多攻勢，日日都約佢

我明白我已經衰左，但唔明點解下晝仲好地地，仲叫我同佢出trip,但突然可以咁,我自問真係冇衰過啲乜，同佢都相劇好好，我越來越唔明依家啲女諗乜，你地可以話我俾人玩，一係就佢最近發覺果個人原來好過我，或者一直都對果個男仔有意思，只係最近個男仔表白了，佢接受，但乜啲感情嘅野可以一下子咁大轉變，咁兒戲嘅？睇佢又唔係似咁

佢一方面成日話好憎d app人成日出黎或開口埋口都係想攪野，唔認真，但我係認真呀，佢都知，又話欣賞我呢點，不過又發生咁嘅事，點解。。。

文章來源: https://www.twgreatdaily.com/cat99/node1385043

轉載請註明來源：今天頭條