TVB萬千星輝頒獎典禮上個禮拜已經完滿落幕，各個獎項都已經塵埃落定。

今年嘅最佳劇集由「城寨英雄」以大熱嘅姿態奪得。無可否認，「城寨英雄」嘅劇本系寫得唔錯，劇情緊湊，無咩悶場。

TVB雖然有唔少高質素嘅劇集，但同時都有好多好多「膠劇」。

呢啲「膠劇」嘅演員陣容甚至唔錯，但可惜真系劇本太爛，拍得太差，再好嘅演員都無濟於事～

1. 《神探高倫布》

《神探高倫布》由黎耀祥、敖嘉年、馬賽、蕭正楠及唐詩詠領銜主演，系2012TVB節目巡禮電視劇之一，亦系第17屆香港國際影視展中TVB電視推介嘅17部劇集之一。

原本以為呢套戲能為觀眾帶嚟不一樣嘅「驚喜」，點知系不一樣嘅「驚嚇」。

有視帝黎耀祥坐陣原本應該系收視嘅保證，但奈何馬賽嘅角色實在太煩膠，「布布娃娃」成為咗煩膠之首，實在令人無曬興趣睇。

2. 《大冬瓜》

坦白講，每次講起《大冬瓜》，好多人都會忍唔住笑出嚟，因為呢套劇實在太～

雖然呢套劇當年系廖啟智回歸TVB首部作品，但真系膠味太濃，即使有智叔都睇唔落去。

當年此劇一播出，即被觀眾恥笑系咪拍俾小朋友睇嘅電視劇。

3. 《十兄弟》

講起《大冬瓜》，又點少得《十兄弟》，兩者同樣系TVB以古裝特技為題材嘅劇集，亦同樣咁膠。

十個大人用小朋友嘅語氣演足全劇，有時真系會懷疑你系咪睇緊「放學ICU」。

4. 《飛女正傳》

《飛女正傳》未播之前，好多人對佢期望都好高，一嚟當時題材特別，二嚟有蔡少芬同陳豪主演。

但結果劇情嘅超現實就令人大失所望。

5. 《花花世界花家姐》

呢套劇由佘詩曼同林峯領銜主演，明明佘詩曼同林峯可以演出好似《使徒行者》咁高質素嘅劇集！

點解要佘詩曼扮一個弱智人士呢？

唔少觀眾都認為阿佘只系模仿阿旺嘅演技。

其實呢啲都唔系阿佘嘅錯，而系扮弱智實在唔適合阿佘演咯。

6. 《王老虎搶親》

《王老虎搶親》由錢嘉樂、陳鍵鋒、蘇玉華、胡定欣主演。成套劇集最有仿效周星馳喜劇嘅意味，但最後就淪為「搞爛gag」之作。

陳鍵鋒喺呢套電視劇扮女人可算系噱頭之一，但可惜此噱頭唔夠支撐全劇。

而當中出現嘅情節都十分膠，劇中經常出現嘅「噴飯」情節，原嚟可能系想營造好笑嘅意味，但被好多觀眾批評「教壞細路」。

7. 《荃加福祿壽探案》

《荃加福祿壽探案》由汪明荃、王祖藍、阮兆祥及李思捷領銜主演，系TVB嘅44周年台慶劇。

當年有一段時間王祖藍、阮兆祥及李思捷因模仿了得而爆紅，因此TVB想「食住條水」，消費佢哋嘅人氣。

全劇以「福祿壽」形式爛gag貫穿，大玩食字。好似王祖藍飾演嘅恭澤嵐，諧音——宅男；阮兆祥飾演嘅恭犢嵐，諧音——毒男。

8. 《來自喵喵星的你》

《來自喵喵星的你》完全系翻炒《鬼同你OT》嘅劇本，人物角色設定，被觀眾批評系最無誠意之作。

加上田蕊妮扮貓，被好多人話系「頂唔順咁大個人仲扮可愛」。

9. 《神槍狙擊》

《神槍狙擊》系TVB時裝警匪劇，由張兆輝、謝天華、周海媚及徐子珊領銜主演。

原嚟時裝警匪劇系唔會太膠嘅，但謝天華一幕一手爬山，一手傾電話就被觀眾取笑太離地。

除此之外，其實《神槍狙擊》都幾好睇嘅～

10. 《衝線》

《衝線》以單車為主題，未播前以為系講述年輕人嘅熱血追夢故事。

但估唔到劇集講述會計師樓嘅多角戀同辦公室政治，踩單車嘅場面十分少。

因此此劇之膠在於「名不符實」。加上有蔡思貝嘅煩膠演技，觀眾自然唔太受落啦。

咁最近，你又覺得TVB有咩膠劇啊？

轉載請註明來源：今天頭條