是咁的，我同咗我女朋友一齊左三個月，今年第一次準備過聖誕節，本來就可以開開心心咁樣準備過...但我真係頂唔順佢既所作所為，自問自己個樣都唔差，但係佢真係好鐘意同其他人做比較，係街到見到個MK 仔 著到偽韓feel ，就會開始係我耳邊轟炸我，又話我隻眼唔夠人靚，下巴又唔夠尖，皮膚又唔夠滑，衣著無品味......我心入面好似一刀一刀俾佢插！開始連自己都懷疑我個樣同品味有問題......

愛情既野，當然係講互相遷就，咁樣感情先可以持續落去，如果你係我，"持續"呢兩個字仲難過食咗十幾年煙要戒，個種感覺係要由誠意、樣子、身材同錢堆積出黎。

約佢去行街，等佢兩個鐘就係基本，有時中途因為種種原因而放飛機，我成日安慰自己，竟然一齊咗，遷就係要既...經過多次誠意既等候，終於可以同女朋友出街啦，開心得太早啦少年，而家先係惡夢既開始，最初大家去睇H&M，見佢

見佢試衫好滿意，當然係我去畀錢啦，愛情係需要付出，無付出邊有收入......

一齊咗一個星期飲飲食食買買就洗左我一個月既人工，可能遲下佢無咁大洗呢？

佢成日都好想有人可以送花畀佢，成日埋怨我唔送花，大佬我地一齊咗10日，遲下100日會唔會要我買埋樓畀佢

每次問我幾時買花畀佢，我都話不如我地將啲錢洗係衣服或者自助餐到會實際啲。佢始終都無理會過我既說話，繼續任性、自私和港女性格...我得唔到被重視既感覺，我好似一個小小既卒仔，唉。

經過呢3個月既埋怨，我可能真係唔岩佢，我只好送一束玫瑰，然後講分手...

轉載請註明來源：今天頭條