鄧萃雯喺2013年因為《金枝欲孽貳》收視低而公開炮轟無線飛紙仔，繼而激嬲編劇周旭明及演員黃德斌，最後遭封殺嘅鄧萃雯，近日現身無線，與黎耀祥一齊頒發最佳劇集，似乎雙方關係正式破冰。

典禮當晚，鄧萃雯仲要著到勁性感，大曬4吋事業線！黎耀祥同鄧萃雯呢個經典組合再現身，真系睇到成班網民流曬口水，話想佢哋再合作呀！

兩個老拍擋碰頭，祥仔公開邀請雯女回歸拍劇，兩人台上對話精彩搞笑，祥仔話：「我哋都識咗好耐，只系拍檔過兩次，兩次都攞獎，之後就冇再繼續做拍檔，幾時再返嚟做拍檔先，個個希望喺螢光幕上見到你！」結果全場歡呼，祥仔仲話o依家有好多小鮮肉㗎！雯女聞言大笑：「有小鮮肉咩？」

祥仔充當高層身份，問雯女返無線拍劇要乜要求？雯女好直接話要錢，祥仔話：「錢呢個問題我哋無線不嬲唔講，從來都系講心，你放心，我知你搵開人仔，但人仔呢排同港紙一對一，應該冇問題。」祥仔問咁除咗錢仲有咩要求？雯女話：「我要好劇本，有一樣大家都知，我唔要飛紙仔，一定唔得。」祥仔即話：「你放心，飛紙仔嗰個炒咗，走咗，唔使擔心，我可以幫你篩選。」

雯女即笑祥仔系高層，祥仔笑言自己系扮高層，跟住雯女就話要求夠時間瞓，女人要靚，又高清：「要公平啲，我出面工作十二個鍾連化妝，無線呢樣十四鍾都得。」祥仔話要安排下，近排都拍到放早餐，全場好有人拍掌笑，祥仔話當雯女應承回巢，仲講笑話叫餐廳唔好開早餐，橫掂都冇得放，雯女話：「應該拍住我拍，我一定唔會咁樣拍。」祥仔叫雯女聽日返來簽約，雯女就話：「唔怪得個個問我，系咪返嚟拍劇！」

2013年鄧萃雯拍完《金枝欲孽貳》後便離開無線，當時《金枝貳》收視一直低迷，大部份演員都落力宣傳補救，惟獨鄧萃雯炮轟拍攝時零劇本飛紙仔，甚少與其他演員同台宣傳，之後雯女與劇集編審周旭明分別接受內地傳媒訪問，雯女道出零劇本令她如何痛苦，周旭明則反駁大收旺場的《金枝欲孽》同樣飛紙仔，雯女的炮轟令他有沉船前老鼠先走的感覺。

雯女接受訪問時坦言拍《金枝貳》因零劇本令她有情緒病，她指拍上輯《金枝》時也表達過同樣的不滿，又否認因今次收視差才有怒火，揚言從不介意收視：「為甚麼他要扼殺演員創作的部份？那是很自私的一種行為。」

其實鄧萃雯自千禧年重返娘家無線後，初期一直不被重視，令她跌入從影以來的谷底。她曾慨嘆：「作為一個女演員真是好慘，三十幾歲都還好靚女的時候，就已經派你去做阿媽，還要是生陳文媛、唐寧那些，我都不知怎麼生得出他們。」

《戀愛自由式》

2003年，她被公司安排演出《戀愛自由式》，飾演兩女之母，全程襯托一班青春偶像。她愈講愈火，更暗示無線當時逼她接拍。

苦盡甘來，鄧萃雯笑言04年《金枝欲孽》如妃一角令她鹹魚翻生，全城盛讚她演技精湛，視後唾手可得，但最後卻被同劇的黎姿奪得。九年後鄧萃雯依然心有不甘，「我經常都覺得我當然是有實力的！有人生經驗，我以前不忿氣，那麼多後輩拿到獎都未到我。」

擺明不忿黎姿搶走視後，之後拿視後的還有佘詩曼這個後輩，直到09年，雯女才憑《巾幗梟雄》四奶奶一角拿到視後，但她完全不覺得演得好，自稱沒拿過演技出來。

當年鄧萃雯失落視後，勝在贏了民心，但這倒令她演戲包袱愈來愈大，到08年拍攝《巾幗梟雄》時更走火入魔。她自曝當時自己在片場非常霸道，凡事都管。在她「強權」監管下，《巾幗》終於在四個月內完成。當時她自以為自己功勞最大，但黎耀祥的一席話，令鄧萃雯茅塞頓開。她自稱被黎耀祥點醒後，於是停工一年，直至10年拍《義海豪情》時，情況已有明顯改善。

可惜《金枝欲孽貳》再令鄧萃雯陷入困境，壓力大到令她拍攝時患上抑鬱症。之後一直處於長休狀態。

最近鄧萃雯內地扮曬嘢勁賺人仔，連綜藝節目都撈埋，扮番《我和春天有個約會》姚小蝶呢個經典角色，喺度唔啱咀型載歌載舞，仲搵埋王祖藍扮舊情人江華，為咗人仔可以去到好盡，跟住又同容祖兒喺《全員加速中》玩體力勞動遊戲。

有咁多賺人仔嘅好路數，鄧萃雯梗系唔會返大台捱啦！不過鄧萃雯在頒獎典禮後接受事後訪問時透露：「我和TVB關係其實一直不差，公司也有找我回去幫手，還希望度身訂造以表誠意，只是期撞了和未遇到啱劇本！」

文章來源: https://www.twgreatdaily.com/cat99/node1379261

轉載請註明來源：今天頭條