無線近年有不少穿越劇，原來翻拍秋官81年舊作的《流氓皇帝》都是？嚇，不是指套劇，而是當年飾演山賊斬崩刀的李國麟，35年後再次拍攝該劇，飾演周麗淇父親易叔恭（二叔公），究竟該劇是否真的如網民所指是一出「膠劇」，跟秋官和司棋姐那一出舊作，又是否無得比呢？記者訪問了同時拍了新舊版本的李國麟，由他品評新作就最中肯。

山賊升變二叔公

李國麟在新版《流氓皇帝》，飾演周麗淇父親二叔公。

35年前李國麟在《流氓皇帝》飾演山賊斬崩刀。（網上截圖）

《流氓皇帝》雖然被指是炮灰劇，但劇中的二叔公性格「縮骨」，可以將皇帝夜壼，以3個大洋賣到50個大洋，低買高賣，相當「古惑」，而當年這個角色是老戲骨劉克宣飾演，珠玉在前，如何去挑戰舊作呢？李國麟表示：

你都識話珠玉在前啦，我無諗點樣去超越前輩，都系儘自己所能，全力以赴囉。

《流氓皇帝》劇中的二叔公性格非常「縮骨」

原來李國麟跟劉克宣相當有緣，早前在劇集《無雙譜》中，李國麟正是飾演老烏龜九千歲，而當年該角卻是劉克宣擔當演出。

李國麟表示：

對於翻拍以前嘅經典作品，其實我都好開心嘅，但大家又唔可以純粹懷緬，因為編劇都有新嘢加入去個劇度，只系用番《流氓皇帝》個名啫。

李國麟（中）《回到三國》飾演劉備，跟馬國明有不少對手戲。（網上圖片）

兩齣新舊版本作品，誰優誰劣呢？

又唔可以就咁比嘅，只可以話觀眾層面唔同咗，選擇多咗啫。至於套劇系咪劣咗呢？唔到我哋去批評嘅。

李國麟在《無雙譜》飾演九千歲， 原來舊版是前輩劉克宣飾演。（微博圖片）

那麼又如何揣摩二叔公一角呢？

其實演咗咁多年戲，又有番咁上下人生閱歷，監製俾個角色我，咪先構思下點做，點樣用身體語言去表達囉，自己未有演過近似角色，亦都唔鍾意演相同角色，等於廚師咁，公司俾出材料，睇嚇自己點煮嘅啫，網民鍾意我都好高興。

爆無線頒獎禮絕望真相

無線萬千星輝頒獎典禮圓滿落幕，賽果當然是有人歡喜有人愁，而賽前已被指是炮灰王的馬國明，一如所料，坐足成晚冷板櫈，而跟他多次合作的李國麟，在倉底劇《流氓皇帝》中，再次跟馬國明有對手戲，而對於好友再次陪跑，李國麟無奈表示「戥佢唔抵？系都戥咗自己唔抵先啦。」

李國麟參演多齣電影，更有份出席澳門國際影展。（微博圖片）

入行42年的李國麟，對於頒獎禮嗤之以鼻，

同馬國明合作咗好多次，佢系好演員、乖演員，話佢無運？佢又套套都做男主角，但講到有無獎，又要睇好多嘢，始終得一個視帝。

李國麟表示明白頒獎禮有好多商業考慮，

做咗咁多年都知道遊戲規則，想攞獎先要入佢哋嘅圈子，咁我又唔鍾意咁做，而且我哋呢啲合約藝員，頒獎禮嘅時候咪擺埋一邊囉。

61歲的李國麟，身材仍保持得不錯，相當襟撈。（微博圖片）

李國麟對於「親生仔」的潛規則，至今仍憤憤不平，

喺我角度睇，我74年已經入無線拍嘢，我覺得自己先系親生仔。

在無線有不少綠葉配角，多年來受盡冷眼，仍選擇留在無線，只為了心中的一團火，否則很難在圈中生存，李國麟亦承認自己確實喜愛演戲，

拍劇時大家都有一團火，一班同事其實好開心，好有團隊精神，老實講如果用依家嘅努力，出去做其他嘢，人工一定更加好。

李國麟在圈中人緣甚佳，劉德華也是其好友之一。（微博圖片）

不過李國麟亦坦承近年劇集質素是下降了，皆因無競爭的環境，對演員、觀眾也不是一件好事，

劇集嘅質素系跌咗嘅，點解呢？因為度火減咗，以前有麗的、亞視，對家有啲乜嘢，我哋就要即刻變陣迎戰，依家都無仗打，演員亦得一條路無選擇，為生活都會繼續拍嘅，系枯燥啲㗎啦。

李國麟不介意無獎拿，可以繼續演自己喜歡的角色，滿足到表演欲，但有時只得一、兩場戲，對於從影多年的李國麟，卻要保持自己的專業身價，試過推劇得罪過人，不夠聽話，久而久之，頒獎禮入場券變成過眼浮雲，

做咗咁多年，出街一定有人認得，但次次都只系記得角色名，真名噏到口唇邊都系講唔出，以前會唔高興，但依家知道咁先系好嘢，公司都無promote到個人，人哋叫得出角色名，即系我演得成功啦。

李國麟不止可演詼諧角色，認真的角色一樣無難度。（微博圖片）

綠葉王撈足42年：要自己諗定未來！

近日無線被有線幫入主，反而效力了多年的老戲骨，如麥包、李天翔、陳國邦等藝員，相繼被放棄，或轉簽部頭約，李國麟會否覺得公司將藝人用完即棄，相當無情？李國麟苦笑道：

呢個商業社會，只會同股東交代，至於藝人就要自己諗定未來，為自己打算，唔通到入老人院嘅時候，仲要人養呀。

李國麟拍攝內地劇集《狩魔傳》，飾演公安局長。（微博圖片）

李國麟不怪公司無情，但他早已到內地掘金拍劇，又接拍電影及網絡電影，不用賣無線帳，講句嘢都大聲啲。

李國麟在無線多年，在台慶頒獎禮也是食白果，反而內地卻有機構頒獎給他。（微博圖片）

轉載請註明來源：今天頭條