舊年@薛家燕 現身台慶頒獎禮時，一身黃袍上陣，大批網民笑指佢系咪「登基」，引起極大迴響。而向來玩得嘅家燕姐，直情玩環保循環再用，之後出席新城頒獎禮同樣著番同一件黃袍，認真爆笑！

今年，薛家燕孖住陳彥行、鄧兆尊及阮兆祥這個《皆大歡喜》組合齊齊為台慶擔任頒獎嘉賓，家燕姐穿上一襲鮮黃色衫「再度登基」，連司儀鄭裕玲（Do姐）都問：「家燕姐啲登基衫喺邊度買？」好多網友睇見即笑問家燕姐點解可以多次「登基」，又話套黃袍同個頭飾充滿咖喱味即系印度風，同時又玩爛gag、反問家燕姐如果著成咁搭飛機嘅話，系咪可以「登機」成功！

最後，今年首設的「最受歡迎劇集搭檔」獎項由《EU超時任務》的搭檔組合@王浩信 及@Tracy朱千雪 奪得，二人上台多謝劇組人員、監製@林志華TVB ，仲坦言非只是二人的努力。

浩信笑言好一陣才回過神來，因為上一次上台攞獎已經是2013年攞「男飛躍」，沒想過會再上台攞獎，今次跟千雪攞獎心情好high！而千雪則表示見到監製林志華感動到想喊，而她亦好開心。問二人會否請工作人員吃飯？浩信坦言：「會，即刻想請佢哋。（會否再演情侶？）聽日就會，因為新劇入面同浩信又演情侶。」

文章來源: https://www.twgreatdaily.com/cat99/node1378269

轉載請註明來源：今天頭條