我有位富二代同學，我哋叫佢做比達。有父幹嘅人生就好似開咗外掛咁，我哋平民百姓企喺佢格離根本同吳若希冇分別，唔係佢刻意矮化我哋，而係佢啲離地生活係會不知不覺傷害到我哋依啲連思樂冰都飲唔起嘅屋村仔。聽起上嚟係咪又一個葡萄故事？未必！回想返依十幾年，佢一直都好似唔係咁開心，對人生好似唔太滿意，Why？
小學嗰陣大家仲同緊阿哥家姐細路妹迫碌架床、爭廁所，有日放假成班同學去佢屋企玩，見到佢間屋大到可以踢波、間房大過五星級酒店房仲有套廁，我哋一臉驚愕不能自禁異口同聲漏咗句「你…就好啦……」童叟無欺，細路仔嘅羨慕之情係好真心。但比達一啲都冇沾沾，依然有啲唔開心。
中學嗰陣有日返返下學天文台突然話下晝打風，教育局宣布中小學提早放學。喺我哋正要同宇宙中小學+打工仔一齊迫交通工具返歸之時，見到比達氣定神閒企喺路邊，冇耐就有部大Benz停喺佢面前，佢上車前同我哋點頭打咗個招呼就886。一個咁型咁威嘅畫面，比達一啲都冇沾沾，依然係有啲唔開心。
大學嗰陣放暑假，我哋個個都要做Part time / intern賺外快同經驗，比達放假第一日就去咗歐遊，由法國出發經比利時、荷蘭、德國一直到丹麥，最後喺挪威飛返香港開學派手信。好彩嗰陣仲未有Facebook，唔係一定日日用壯麗景點閃死我哋。放眼世界梗係開心，但比達完全冇沾沾，依然有啲唔開心。
出咗嚟做嘢冇耐，我哋依啲Fresh Grad都會Set啲Dream迫自己努力，例如賺到錢可以揸靚車、揇Model、食好西、做業主等等，正當我哋捱緊空氣包OT緊72小時嗰陣，比達已經In a relationship with一個o靚模，揸部法拉利去米芝蓮餐廳開生蠔，簡直係人生贏家！比達始終都冇沾沾，依然有啲唔開心。
點解？點解一個咁完美嘅人生都唔滿足？作為一個男人仲爭啲乜先至夠圓滿？我哋都唔明，直至有一日講起韓仔，再由韓仔講到Stylist，再由Stylist講起髮型，我哋見比達臉色一沉我哋先恍然大悟…原來係頭髮！比達天生少頭髮，由小學開始個ｍ字就冇停過演變，家下已經由ｍ字變到Ｍ字，髮線愈嚟愈高頭髮愈嚟愈稀疏，個Ｍ字愈大佢就愈冇自信，到依家就算咩都有曬仍然鬱鬱不歡，我就明白頭髮對男人嚟講實在太重要。咁啱我公司有個客叫 Trichoderm 添康髮 添康髮寄咗Set Product俾我哋試玩，有支洗頭水、護髮素加pack精華，據說防脫髮之餘，連續用兩星期會明顯見到頭頂稀疏位置有新生毛髮，專為有脫髮或頭髮稀疏問題嘅人而設。我諗都唔諗就轉寄咗俾比達。
三個月後成班同學Gathering，當日比達遲遲未到，心諗佢唔係個Ｍ大到唔嚟呀？結果臨上菜一刻見佢自信滿滿拖住個索模嚟到，但大家嘅焦點都放咗落佢個頭度，哇比達竟然Set咗個比比鳥頭……比達唔再Ｍ字額，佢依家已經可以cosplay到周柏豪，真係一掃多年頹氣，自信返曬嚟，作為佢多年朋友，打從心底為佢高興。最重要係佢即使梳咗個柏豪頭都遮唔曬旁邊新生出嚟嘅箭豬毛，原來 Trichoderm 添康髮堅係work，只要Keep住用三個月，情況會令你喜出望外！
轉載請註明來源：今天頭條