好多電影都時興翻拍，電視劇都唔例外。

TVB嘅《流氓皇帝》系藉「九龍皇帝」曾灶財為藍本，講述朱錦春一生經歷由皇帝到乞衣嘅大起大跌，但佢最終心愿系同青梅竹馬嘅易蓉蓉一齊。

由於1981年嘅《流氓皇帝》已有咗創作劇本，所以翻拍嘅《流氓皇帝》(2016)或多或少都系「蕭規曹隨」，想要有大驚喜系畢竟難。

反而，令人感人嘆嘅系，原嚟35年時光就此過去。劇中角色依舊在，不過飾演人盡變！

重拍劇向嚟系苦差，因為觀眾一定會比較，你又覺得同一對角色嘅兩對主角表現系點？

首先，朱錦春一角，就滿曬喜喜悲悲嘅跌宕，系好需要演員嘅精湛演繹，先可以捕捉又喜又悲嘅心理狀態。

秋官演技「老路縱橫」，又有粵劇及功夫底子，演得入木三分。所以，真系好戥馬國明擔心。因為新舊兩劇一比較，就會比落去。

即使馬國明好盡力，先天不足及先入為主，令佢可能有心理壓力。佢演繹傻兮兮仲可以，但喺悲情場面要又喜又悲又驚又怕，要駕馭如此複雜角色心情就可能有難度……

其次，易蓉蓉一角，要將周麗淇同李司棋比較就唔系咁好比。因為李司棋演技有目共睹，喺觀眾心中可能已經先入為主。

易蓉蓉同朱錦春一樣又系大起大跌嘅角色：由村姑到上海名媛，後變工人忍姐。當中嘅心路歷程又系好難掌握。

硬系要比嘅話：周麗淇太靚太可愛。而當年司棋姐系另一種靚啩。對於村姑、上海名媛，周麗淇都唔系咁似。

最有趣嘅系董振邦，呢一個充滿愛國熱誠嘅留學生兼革命中人，由陸永演繹，同黃日華比較嘅話。前者搞笑形象已入民心，同黃日華嘅認真嚴肅比起身，系對同一角色嘅兩種唔同嘅演繹。其實，陸永可能好有喜劇天份，佢演《流氓皇帝》可能會俾人帶嚟驚喜。

單睇劇照，可能已引人發笑。但其實陸永所演一角可能好認真咁周旋於國家大事及兒女私情之間？

另一個驚喜可能系朱錦春兄弟嘅「豬腸粉」(朱祥芬)，當年系秦煌飾演，當年佢體形尚可，唔似而家嘅「相撲手」模樣。

但而家由肌肉型男袁偉豪上陣，起初仲有一個陸軍裝髮型，究竟佢可唔可以取代有「肉地」嘅秦煌，令人覺得最搞笑親切呢？

另一個搞笑角色系女山賊龍川鳳，當年由莊文清飾演，起先情傾秋官，大放笑彈。之後同秦煌一對歡喜冤家。

新版本嘅龍川鳳，則由擅長搞笑嘅「蝦頭」楊詩敏上陣。換言之，袁偉豪最後同佢……

牛頭馬嘴問題嚟了！袁偉豪《城寨英雄》嘅「牙佬」深入民心，同王君馨一對又令人先入為主，袁偉豪同楊詩敏？……難怪，20集要cut剩17集。

兩代"吳多好"嘅角色比較，由鄭則士換上古明華，效果又會系點？

所以話，翻拍及續集喺電影或者電視劇，都系有一定難度。尤其系翻拍嘅，觀眾或多或少都會有比較，先入為主，在所難免。

文章來源: https://www.twgreatdaily.com/cat99/node1376541

轉載請註明來源：今天頭條