是咁的各位巴打絲打，2日前同個做保險的老死傾開最近點，佢喺度呻入錯左老千行業，之後講左個故事同比左D資料我睇，我決定替天行道幫佢公開保險界的行業秘密，大家想入行就睇路啦。故事未開始之前我都呻一句，原來保險仲黑暗過炒金行業。
我個老死佢比人呃得多啦，第一次呃佢個人扮做得耐，有經驗，原來係新人，同我個老死同期，之前佢經理就利害啦，入幾多個都走幾多個，你聽都知個人或行業根本就有問題啦。佢經理個經理即係區頭就正宗老千系列的一代宗師啦，唔講你唔知，原來佢行內靠呃都會呃到人廿幾年。佢原本覺得做野都係自己做姐，其實人關佢差事咩，點知就中伏了。
佢因為頂唔到佢個區定下的地獄規舉，所以決定去第2區，但問過好多次，佢公司係唔比，中伏位係度啦，你跟個上司好就話，如果跟左個廢，就廢一世，地獄規舉係咩就下段講，如果唔跟D無理加違法的地獄規舉，就會逼佢走。問題係咩野? 原來做保險要簽賣身契，有條件出糧，如果做唔夠時間或唔夠數走時要賠比佢公司。 有D人hea做，做夠2年約，或慢慢磨，佢地出糧係終身制，個客一日唔死，佢地都有傭，咁只要在職佢慢慢磨，傭又慢慢到，最後點都會磨到夠錢夠數唔差佢公司。可惜我老死夠骨氣，咁就中曬伏啦，比佢區頭迫走，理由無理到爆。
地獄規舉10大項 (未完仲有其他)
1.日日返工，星期1-5，冇返工罰錢(我問佢話好正常WO? 佢話保險係自僱人士，公司只要求數，冇要求工時)
2.無限上課程，唔到罰錢 (唔係公司出wo，係佢老闆自己迫人上)
3.遲到罰錢
4.要參加佢的活動，唔到罰錢
5.同幫佢做義工、做私人野，唔做炒
6.做D冇用的問卷調查，唔做罰錢
7.要留公司打電話CALL客，唔做罰錢
8.冇數，早上公開批鬥
9.強制同人揀出糧方法
10.唔交罰款，唔出糧
佢咁講，叫我點信? 我叫佢比證據我睇，點知真係有WO，佢whatsapp左d相比我，嘩睇到啤一聲呀。大家睇相啦。
先睇罰款名目，仲起釘，年息120%有多，利害
利息:
以捐款名義代罰款，以行政費代利息，佢個月息10%早就過左年息60%(重係違法?)
項目:
我老死佢話有齊所有近2年記錄，佢比左2張我睇，見到真係有早會、遲到、問卷、冇打卡(呢個重點啦)都要罰錢等。
強迫購物:
數薄又唔見打開，但又要迫人強制買野，都唔知有冇落格。呢個佢話係例子，重有其他野買，我問佢個咩差野黎，佢話係佢大老細果邊出，用途只係用黎對大老闆歌功頌德，其實同做生意係冇幫助。
強制課程:
去就要比1900蚊，唔去要有理由:紅事或白事，但利害係就勁，比你死老豆加送死老母都好，唔到罰多400蚊。佢話都係例子，仲有其他事WO。
係唔係開始有比人強姦的感覺? 未完仲有更加激的事。
唔比罰款，冇糧出。
上邊D野唔參加冇問題，比錢咪得LO。
(相未完)
其實我老死係唔係老病? 仲咩差事貼錢打工，我曾經講左係伏啦。
因為佢簽左合約，如果唔夠時間，磨唔夠傭就要賠比佢公司，咁佢咪做，點知佢個區頭迫佢幫手做義工WO，做佢自己私人活動野，同工作零關係的野，我老闆唔做，佢區頭話我老死唔尊重佢，要炒我老死。 我老死係威脅之下最後......當然唔做啦，佢決定跟第2個區搵食。
咁其實同黑社會收保護費冇分別，因為唔比錢、唔做個區頭要求，佢可以炒你，寫花你，屈你，咁你提早比人炒就即係解約啦，咁即係要賠比公司啦，唔想賠比公司? 咁咪比保護費、幫佢做野LO。
入高潮位啦，以上係我老死的真人真事，最激的地方仲未到呀，各位巴打絲打睇完散出去呀。
我老死原本想入去第2區做，佢話發現左業界良心咁話，同佢又堅喜歡份工的，佢比佢公司追數呀，但同佢原本同佢公司傾好左，話會再入職，而佢公司話OK，條數可以入去新區、新合約計，唔洗賠，數可以係新區到扣，慢慢磨到變正數就得啦。 點知佢上個月尾收到佢公司EMAIL，話條數耐，唔等得，咁就比左收數。我老死當然話唔同意個講法啦，佢SD左MAIL比個人，點知冇回覆WO. 之前打上去，駁左去總機，咁個老死梗係問搵邊個啦，點知總機話名單冇你講個人WO，咁都駁左去現在個部門度，點知電話錄音，搵唔到真人的，佢都錄個情況，最後又係冇人覆機，而收數又打去煩我老死。 我老死心知又中伏啦，原本跟個人個人走左，現在新黎個想close file就出術，踢比收數之後就唔關佢事啦。 原來D大公司收數係外判。(有收數的故事後邊可講)
我老死最後當然搵律師問啦，講左上邊D野之後律師叫佢先去勞工處，我老死都有常識啦，話合約寫自僱人士，勞工處咁都有用?律師話唔關事的，個贏面有80%。我老死真係去左勞工處，原來我老死根本就唔係自僱人士，係假自僱人士。大家記得上邊的「冇打卡(呢個重點啦)都要罰錢」，勞工處話你返工係返星期一至五，又有要求工時，你又過左工作時數，又多過3個月，已經唔係自僱人士應該可以享有勞工法例保障。 佢個區頭要求佢日日返工，原來已經係全職人士黎啦。咁勞工處肯幫我老死開左file，不過勞工處都講明啦，要睇合約點寫，佢話公司係唔會上身，可出如來神掌，推得就推，佢間保險公司可以大條道理話，我判左出去，個區頭要求D員工返工，係個區頭自己請，而唔係保險公司請的，所以要追就追個區頭，佢地可以唔使負任何責任。當然勞工處只係最快、最易、同最簡單，如果傾唔到，最後可能要打幾年官司。
我死老就排左期同佢公司傾一次，如果唔得就會上庭。當然睇個勢庭上硬啦，最後老千區同公司都可能冇任何事。其實我老死有同佢公司講點解要離職、同佢個上司什麼情況，而佢公司話唔關佢地事，咁你簽合約時知要還啦，明顯佢公司都有管理問題啦，有個咁的上司，點做野呀，走只係識叫人賠，同叫收數佬恐嚇人。其實做保險仲衰過做倫敦金。個老數講明點都會追啦，我老闆係XX(公司名)，佢係我客，佢叫我追就追你啦。
收數的故事講唔講好呢，好似太長咁...
收數個人好似姓李，佢都幾好人。初期惡D，但我老死都同佢傾左個情況係咁，講明個官一日未判，一日都唔知洗唔洗還，仲可能係佢公司賠比佢，但姓李個冇理由唔追你，我職責黎，點都會追，除非你公司話唔洗追。詳細都係唔講，因為真係太長。
其實有個亮點，我老死佢將會上處，現在有收數的恐嚇，咁應該係涉嫌妨礙司法公正，我老死打個位就係約合有問題，可以唔洗比，而收數就係要我老死佢比錢，咁問題位係如果我老死比左錢就唔洗打官司，就係覺得唔應該賠比佢公司先打。咁收數就叫佢比合約的錢，咁係唔係涉嫌妨礙司法公正黎呢?
故事係有後續，但我要睇有冇人推同分享出去，如果冇就唔講個後續，同我都要問我老死拎更加多的料。
轉載請註明來源：今天頭條