"話說小薯我一般收工都會換衫搭巴士返屋企，早一個星期做班tpe turn, 唸住快去快回就拎garment bag同唔打算換衫，點知就出事了。

上左巴士有位兩個女士（應該係母女）叫我幫佢搬行李上個架，個行李有我地大黑咁大，我當然唔想，返工都冇工傷賠，小女子我又唔係天生神力，整親左點算。終於我唯有話「唔好意思，我手腕整親左，唔方便幫你」。

點知兩位即刻著火，大鬧「好巴閉咩」，後生個位影左我相，另一位口裡又碎碎念話我係侍應，係飛雞。我心唸真唔好彩遇著兩個癲既，想嗱嗱臨想去上層坐低就算，點知佢地仲未玩完，大大聲話「唔知我地send 相去佢公司投訴，佢會唔會冇咗份工呢？」

言辭非常之恐嚇，我心諗你想點姐，after flight 俾我抖下得唔得？再衰多錢重既係，佢兩個竟然同我同一個站下車，我一路快步咁行返去我住嘅屋邨，我係鋪頭啲玻璃見到佢哋都同我行同一個方向，仲好似有舉機繼續影我。

已事隔一星期，我仲覺得有d 驚，驚佢地影完我相會唔會起底或上網公審我？我應該點做好？如果佢地投訴返公司我又可以點呢？我做左短時間，個file 白紙一張唔想花，office 又唔識人。。。

轉載請註明來源：今天頭條