舊時伸大手掌問阿爸阿媽拎錢拎得好輕鬆，成日覺得錢好易搵，香港黃金地怕咩無工做。

阿爸阿媽成日叫我讀好Ｄ書，我成日當佢地狗ＵＰ。

反左兩個月工，覺得「我一定要入大學」。

講到入大學呢樣野，好多人實插我出黎做野係講經驗講應變，讀咁多書無用。

但我呢家覺得咁只係藉口，讀大學目的唔係我要搵好工，而係「我要搵多Ｄ工作機會」同埋「識多Ｄ人」。

單係呢個假期，我就搵左十三份工，但係得兩份有迴音，最後搵唔到工，只能靠家姐人際關係，去佢間野到做ＳＡＬＥ。

入到去，發現個個ＰＴ同事都係大學生，有讀會計師，有讀ＢＢＡ，有個都叫做知專，反而ＦＴ（大粒個Ｄ）個個都係一般學歷。

同一堆ＰＴ黎講，我人工係差人一大折。

入到去，個個都覺得我係靚妹仔，咁循例我都要扮下傻，好人既同事會湊住我，偏偏有個唔好人既大叔（學歷可能仲低過我）日日恰我。

佢恃住你靚妹仔咩都唔識，可以咩都話下你，成日話我薯仔話我蠢話我笨話我得個樣企係到，佢又爛口成日講粗口，有次仲問候我ＡＵＮＴＩＥ。

但係佢對住其他人，就會笑笑口，扮哂ＦＤ扮哂對你好，覺得對方有利用價值。

ＢＯＳＳ個邊，間唔中又要比人笑一兩句。

我好明白，打工受氣係計埋落份糧，好多人仲話我呢份工係人工唔差，又ＨＥＡ，應該好好珍惜。

但係每次一諗到，我食一餐飯係今日企左兩粒鐘既錢，我就好唔捨得食，搞到呢兩個月黎身體都捱壞，成日胃痛，人又掐哂。

諗起阿爸日日反工做到狗咁，但係Ｄ錢比哂我玩同食，就會覺得內疚。

有句好岩「唔出黎做野，唔知米幾貴。」

唯一唔好既係，出左糧之後，比千幾蚊阿媽都肉赤。

所以，我一定要讀大學，第日搵工都無咁苦！

轉載請註明來源：今天頭條