前幾日我搭巴士就坐最後一排左邊數起第二個座位。隔左1個站之後，有個5x歲既男人就上車，坐左係我右手邊。

隔左一陣，佢就拎份報紙出黎，打開報紙黎睇。跟住佢個手臂越黎越過界，手肘整到勁埋我個身(胸前)，我已經越縮越過另一面(好彩隔離沒人坐)。見佢個手肘越整越過我個邊(其實佢右手邊都沒人坐，但佢係都要靠向我個邊)，就出聲同佢講。

我就好聲好氣同佢講

我: 你可唔可以移返過少少

佢: 個位定左(佢意思指個座位既闊度得咁 多)，點移過去

我: 我指你隻手移返過d

佢: 我都沒掂到你

我: (聽到佢勁無賴既語氣，我開始有d嬲)緊係掂唔到啦，因為我已經縮到勁埋，靠向另一邊

依個時間就多左個中年男人(路人甲)唔知頭唔知路，根本唔知發生咩事(佢睇唔到咩事發生)就插左把口埋黎，槍頭對我

路人甲佢坐係最後一排最右邊既座位(近逃生門)就拎開左佢個袋(佢個袋原本擺係佢左邊既座位上)，叫個衰人坐過去佢隔離。

我諗住個衰人坐去另一個位，件事都完，但路人甲就開聲: 搭巴士係好多依d麻煩人，係大富豪夜總會度見唔少依d人(佢係指我)

講真，你唔知頭唔知路，就開聲話我已經好有問題。依家仲要話我係大富豪夜總會個類人......依個人大男人到只有佢岩，我地女性就係麻煩人。你叫雞叫得多，唔代表街上既女仔/女人全部係你眼中都係雞。

我影佢地相，係想大家(特別係女性)如果搭巴士個陣見到依兩個人要小心，好好保護自己，佢地欺善怕惡。衰人見我影佢相，爆曬粗話我做咩影佢，跟住拎部手機出黎想影返我轉頭，我唔介意，仲講左句:咁咪報警啦。跟住佢就收左聲

我唔介意車入面其他人沒出聲幫我，淨係望住我地，但唔好好似路人甲咁惡言相向(係你未知道成件事既來龍去脈既時候)

轉載請註明來源：今天頭條