陳瀅（Jeannie）被爆與「九肚山方力申」William撻著，當日有份跟入屋的劉佩玥（Moon）及同日被約出來開餐作煙幕掩護的何雁詩，昨日分別代為否認戀情，指Jeannie鬼妹仔性格，攬腰很正常，借地方換衫亦不代表甚麼，講到William曾結婚，兩女表示不知情，何雁詩亦不認識男方：「話佢似方力申，我覺得方力申靚仔啲，總之果晚我地就HIGH爆啦!」

而Moon表示於屋內只是朋友Gathering，不覺得William追求Jeannie：「佢哋係好朋友好耐。我好妒忌Jeannie，唔知點解食佢先，（提佢帶眼識人？）佢近視唔深，反而我有散光。佢好醒目，知自己做緊咩，而且有我哋呢啲姊妹護航，總之果晚我地就HIGH爆啦!」

Jeannie日前被本報獨家拍得與好友劉佩玥於工作後夜訪九肚山一間獨立屋，獲「九肚山方力申」在門外迎接，甫見面更將Jeannie一攬入懷，Jeannie顯得相當受落。其後Jeannie換了服飾離開大宅，足見二人關係非淺。原來「九肚山方力申」大有來頭，是「衣架大王」劉璜的兒子劉德俊（William），早年與模特兒胡希文結婚及育有一女，婚前曾和(O靚)模鍾蕙芝傳緋聞，同時有指他異性緣旺，其社交網亦獲不少藝人如歌手鄧穎芝等關注。

昨日William接受本報訪問，禮貌地回覆表示現時單身，對於被拍得與Jeannie攬腰舉止親密，他回覆：「唔係拍拖，係識咗七、八年嘅朋友，呢啲係好正常嘅禮儀。（發展機會？）冇，我哋係非常好嘅朋友。（傳你已經離婚？）我目前係單身，希望大家唔好打擾胡小姐同我個女，依家心目中只有工作同個女係第一位。（有人爆料話你花弗？）控制唔到人哋嘅諗法。（因此不快？）哈！小時候嘅我會好在意、會去澄清，依家只要做好自己，懂我嘅人唔使解釋，不懂我嘅人，唔使浪費時間去解釋。」至於身在日本的Jeannie則直至截稿前仍未有回覆。

鄧穎芝認愛過

另外，鄧穎芝昨日接受電話訪問，表示看過Jeannie的報道後，認出是舊愛William：「我哋拍過拖，好多年前嘅事，（拍咗幾耐？）幾個月，大家性格不合，分開咗好耐，已經六年冇見。（話佢花弗、好鍾意溝女？）同我一齊時佢好乖，只知佢後來結咗婚有個女。」但對於二人緋聞表示不知情。至於William得悉鄧穎芝認舊情及讚他乖，只說：「哈哈！請替我多謝佢嘅讚美。」

轉載請註明來源：今天頭條