將升呢人妻嘅無綫娛樂主播李漫芬（Fanny）天生擁有性感豐唇，曾被封「翻版舒淇」。喺多年前，有傳李漫芬親自喺舒淇面前直指覺得大家有共通點，令舒淇一度不知如何反應，呢個訪問最為人津津樂道。其實Fanny除咗主播一職外，亦不時客串劇集，算系公仔箱嘅活躍份子！喺近期無綫熱播劇《致命復活》裡面，Fanny都有份演出，飾演郭晉安（安仔）嘅大嫂。

被醜化成孖寶兄弟

正所謂「（錢錢錢錢 錢錢錢錢）成日要錢多（錢錢錢錢 錢錢錢錢）干水乜都渦（錢錢錢錢 錢錢錢錢）借錢最折墮（錢錢錢錢 錢錢錢錢）爬低翳契哥（錢錢錢錢 錢錢錢錢）……」老實講，錢邊個會嫌多？喺《致》裡面，Fanny飾演一個極之勢利、乜都以錢行先嘅貪錢大嫂，講嘢又尖酸刻薄。網民一早已經睇唔過佢嘅行為，上網留言鬧爆佢系貪錢嘅女人。而myTV SUPER專頁近日仲好似嫌網民嘅留言唔夠激，專登將Fanny貪錢嘅惡行輯錄成一段短片，更火上加油直呼佢系新一代「八婆兼貪錢之霸」！為咗吸引更多觀眾，片頭Fanny被醜化成「孖寶兄弟」，捐窿捐罅周圍吸金。

網民睇得激心狂鬧爆

短片輯錄失蹤10年嘅安仔啱啱返到屋企，又未搵到工，真系想搵個仙刮嚇沙都冇！而身為大嫂嘅Fanny不但冇津貼安仔嘅生活費，反而當住安仔面前直呼「長貧難顧」，要收番啲生活費。後來安仔想去越南搵證據，想證明系越南當局疏忽，而累佢被困荒島10年冇人搵到，然後向越南追討賠償。Fanny一聽到追討賠償，就即刻入房攞錢借畀安仔做水腳。原來安仔此舉都好有居心，佢想付出少少錢，到安仔追討賠償後可以收穫多多。有網民講笑話想將呢貪錢大嫂送去喂野獸，有人覺得咁都未算系最好嘅懲罰，仲話應該送佢去荒島，等佢挨嚇苦頭，十年之後先接佢返嚟現實。當然亦都有網民維護Fanny，不勝其煩咁同其他網民解釋，直指Fanny貪錢都系劇情需要，仲贊佢演得好先至會有咁多人憎！

網民有話兒

手XX繁：呢個大嫂很討厭，拿去給猛獸做點心最適合。

hkXXXws：好彩我個大嫂唔似佢啫，有呢啲大嫂真系家門不幸。

FDXXDG：條女個樣雖然唔出眾，不過都演得唔錯，可以演到咁刻人憎，好成功。

YASXXER：貪錢都系劇情需要啫，唔使懲罰呀！

文章來源: https://www.twgreatdaily.com/cat99/node1360961

轉載請註明來源：今天頭條