同老婆結左婚先發覺中伏

未結之前佢會得閒上我屋企做下家務煮下飯

我全家都幾滿意佢D手勢

平日放假既時候又會同我一齊出去行山同做義工果D

有咩事都會同我商量

成個100分女朋友咁

點知而家結左婚一齊住之後就乜都唔做

洗衫煮飯打掃衛生果D通通都係我一手包辦曬

有時返工返得好攰想叫佢幫下手

佢推得兩三次就開始醒水識得同我鬥快嗌攰

搞到而家佢一放工返黎就撻落梳發話好攰唔想郁

如果我果陣仲CHUR佢幫手做野的話就馬上發火鬧人

放假仲衰 淨係識得出去行街食飯睇戲

果D咩行山呀做義工呀通通唔見曬

唯一會做既就係見D朋友最近行山去邊度呃like就拉我去行

然後影左幾張相就話要落山搭的士走 連小巴都唔想等

點解一個女人結婚前後可以咁大轉變????

我係娶左個賢妻良母定係娶左個港女變女王返黎?

轉載請註明來源：今天頭條