(動畫) 餐廳爆料 揭Openrice 每間收2萬：唔俾錢有手尾

平日大家出街諗食咩都會上OPENRICE睇餐飽，但唔知大家有幾相信Openrice既食評呢?

其實一直以來，已經係網上見到好多人話openrice有好多打手寫食評。

而今次蘋果日報更搵到一個餐廳老闆報料，大爆openrice既黑幕：

－－－－

「或者我再重申一次（其實都講過無數次），我哋真係無收錢幫人寫好評、刪劣評同攞高啲排名嘅服務，亦絕對唔容許有人畀錢食家寫食評。」OpenRice早前發聲明，話自己都對假食評好頭痕，絕對無參與其中。

－－－－

但餐廳老闆Joe踢爆，OpenRice有一個RMS系統，「很多潛規則，它做了不會承認，可能不是老闆落order，但員工會咁做。」他指該個RMS系統，收費兩萬多元一年，可以令食肆於OpenRice的頁面出現時，更美觀、又能夠加入餐牌、有優惠又可以顯示出來等。Joe說曾有OpenRice的員工向他推銷這個計劃，「我當時拒絕咗話唔需要，立即就見到有啲L仔，新手食客，寫我餐廳啲負評出嚟。我點解會知？佢貼出嚟既相，係OpenRice嘅sales係我鋪頭影嘅。」

－－－－

Joe後來被說服，付了兩萬多元加入RMS系統。「加入之前，sales經常暗示可以幫你處理負評，而好評餐廳可以繼續自己寫。不過可能sales同處理食評係兩個部門，因為之後我搵過sales好幾次，佢都話佢無辦法處理負評。」他對此很無奈，認為OpenRice內部混亂；有些惡意中傷，連相片都沒有的食評繼續留在頁面，沒有被刪除。

去片：

對小編來說，ｏｐｅｎｒｉｃｅ只有一個用途：

轉載請註明來源：今天頭條