TVB藝人陳曼娜（Manna）愛女Joie上個星期二先至結婚，當時在灣仔舉行婚宴，筵開四十席。婚禮當天，陳曼娜圈中好友胡楓、謝賢、林子祥、吳卓羲、吳綺莉、萱萱、薛家燕、麥長青、徐小明、謝雪心、羅霖、黃智賢、周家蔚、文頌嫻、趙雅芝等人都到君悅酒店出席陳曼娜的嫁女婚宴。

當天，陳曼娜自曝婚宴「落重本」，她謂：「得一個女，用咗好多錢，4套婚紗，10萬蚊一套，再加埋婚宴當晚用最靚嘅餸菜，都用咗成幾百萬㗎，但冇所謂，一生人一次。」

畢業於美國耶魯大學牙科醫學博士的Joie，在四年前經朋友介紹下認識Dicky，結果被對方追求約2年多才相戀。去年11月，在陳曼娜的生日派對上，Dicky買下5卡戒指向Joie求婚，席間獲謝賢幫忙買花支持下，最終抱得美人歸。

早前，一對新人赴巴黎及瑞士拍攝婚紗照，身為母親的陳曼娜獲悉女兒覓得如意郎君，即送贈總值約700萬元的嫁妝，除金器及首飾外，並包括一架價值400萬元的黃色法拉利，與女兒分享大婚喜悅。

陳曼娜仲贊女婿Dicky 101分，「如果唔系都唔會畀個女嫁畀佢，呢個女婿叫佢行就行、企就企，好孝順。」

點知，唔夠一個星期，竟然畀爆料，指陳曼娜女婿結婚前有一個內地女大學生「情人」！

根據曝光嘅照片，陳曼娜女婿婚後兩天，被拍到與一名年輕女子現身中環，兩人從豪宅步出，並結伴前往銀行。

Dicky與該名女大學生異常親密，二人唔單止好有默契咁著曬黑色衫，該名女子仲要好開心咁翹實Dicky嘅手臂，而Dicky亦都好開心咁箍實女方條頸。

期間二人又搭膊頭又攬腰，不過卻突然間發生爭執，該名女子情緒激動爆喊，男方則多番勸她。

由於該名女子情緒實在太激動，一度露出既無奈又憤怒眼神嘅Dicky，期間都忍唔住拍下女方嘅臀部同埋掐對方嘅手臂，但女方情緒依然激動。兩人搞咗一大輪之後，先至雙雙離開。

據知，Dicky的確認識該名女子，而且曾經與該名女子拍過數年拖，但之後兩人分手。不過由於有人難捨難離，所以該段感情拖拖拉拉，及後該名女子知道Dicky與陳曼娜女兒結婚後，即約Dicky見面及即席攤牌！

對於Dicky成為自己女婿未夠一個星期，就被拍得和另外一名女子既攬腰又搭膊頭，仲要發生爭執，身為外母的陳曼娜，接受電話訪問時，表明對女婿Dicky投以信任一票，更以「陰謀」來形容事件。

至於女兒Joie嘅心情，陳曼娜則表示：「Joie心情ok，冇嘢。我已經知道同了解成件事，亦都知道有呢位小姐嘅存在，佢系同我女婿曾經來往過，但系好耐之前嘅事，當時大家系好清楚咁分開咗，成件事系一個陰謀同陷阱，我哋手上有大量資料同證據去證明，會喺適當時間開記者會公開交待。」

對於結婚短短六日便驚爆有婚外情，男主角Dicky、亦即是陳曼娜女婿現身解畫，他接受訪問時，直認中招，並謂稍後會對事件作詳細交代。Dicky謂：「我肯定自己中咗招！好多謝大家關心，件事系處理中嘅，好多資料仲整理緊，會喺適當時間交待。（件事對太太同埋外母有冇影響？）太太同外母都好明白我，佢哋好清楚成件事，我都好關心件事對佢哋嘅影響同埋佢哋嘅感受。」最後佢重申，整理完相關資料後，會公開作詳細交待。

薛家燕與陳曼娜多年好友，更睇住陳曼娜女兒長大，對於其女婿驚爆婚外情，家燕姐表示十分驚訝：「我會打電話慰問下陳曼娜，佢個女好乖又肋，我由細睇住佢大，希望快啲冇事。雖然我唔系好清楚件事，但解鈴還需系鈴人，如果同以前嗰啲女友冇曬感情的話，就應該要決斷一啲，咁樣先至系對太太負責任。」

轉載請註明來源：今天頭條