「鑽石與黃金，唔及我一片真誠與真心」呢句嘢Out啦！朋友結婚，收到喜帖，本來係件高興事，但日前有位網民因家有白事而無法「俾人情」，結果竟被準新娘串爆，更講明一定要俾 人情 ！事件傳開後，一眾網民炮轟女事主做法低劣，厚顏無恥！不過一波未平，一波又起，除咗「白事都要俾人情」外，網上又流傳出一段對話，有人「小產都被要求去飲兼追收人情」，到底世界怎麼了?!

嚇？白事都要俾人情？

日前網絡瘋傳一段WhatsApp對話，男事主收到前女友的請帖，及後因自己家中白事而表示無法出席。女事主得知後唔單止冇慰問男事主，反以一句：「人唔到，禮到呀！」原來電影《我要做Model》的情節，現實中真係會發生……

網民炮轟：厚顏無恥

男事主見佢咁堅持要收人情，本打算照俾禮金息事寧人，但最終因其家人認為習俗問題，所以拒絕俾人情。但準新娘得知後竟要求男事主完成所有儀式後再補回人情，結果令男事主終於火都嚟埋，直言「下次你再結婚我一定到！」。事件傳開後，一眾網民炮轟該名準新娘「港女」，做法低劣，厚顏無恥。

唔係啩？小產都要去飲？

不過一波未平，一波又起，繼「白事都要俾人情」外，網上再流傳出一段對話，指「小產都被要求去飲兼追收人情」。呢段對話顯示，事發日子是9月28日，最初，女事主在對話中向對方表示因小產而不能出席飲宴，並上傳到Whatsapp群組的對話截圖作證明。

結果對方卻冷漠回應了一句「個個都係禁(咁)」，質疑女事主講大話。女事主只好將超聲波圖片傳給對方，力證清白。

人在醫院 被追收人情

後來再向對方表示因為心情未平復，所以不想繼續講下去。結果數天後，對方再次找女事主追收人情，指「你人情過俾我就可以了」。女事主終按捺不住直言自己在醫院，斥對方只管催促她俾人情，點知對方卻諷刺女事主冇錢，更理直氣壯指「我唔知道吖嘛」。後來女事主再向對方傳上一張在醫院的照片，以終結對話。

無論是親戚定朋友，睇清楚真面目後，都係保持距離比較好！

轉載請註明來源：今天頭條