話說TVB一直以嚟所拍題材離不開家庭爭產、勵志小品、校園生活、懸疑緝兇、鬼魅神怪之外，穿越時空劇集亦相當有吸引力。

《隔世追兇》

要數到第一位嘅穿越神劇，非《隔世追兇》不選。當年好多人都話一邊睇一邊緊張。其實就算而家睇返，都相當令人著緊。

劇情講述兩父子喺不同時空利用大哥大溝通，改變歷史，父親於1984年追查線索，而自己就喺現代利用線索搵出連環殺手。

果然郭晉安飾演正經嘅角色發揮得最好，佢真系可以令人緊張流汗。

《尋秦記》

而第二位就系無人不知無人不曉嘅劇集，古天樂嘅電視劇代表咗《尋秦記》。

由現代被科學實驗送到戰國時期，利用自己嘅歷史知識一步步助林峰成為秦始皇。

《EU超時任務》

第三套《EU超時任務》同樣系神劇，由4月3日瘋狂返到4月1日。佢系罕有嘅超時空劇集，比起普通嘅穿越劇唔同。

此劇唔單止系返到過去，更加顯示出「蝴蝶效應」。意思系一件事改變之後，相關嘅事件都會被影響。

所以最後渠頭唔想阿風炸死，寧願佢唔記得自己，都要救佢。

《九五至尊》

《九五至尊》又系一定上榜嘅劇集。佢同大部分回到過去嘅劇集唔同，而系嚟到未來。

正當呂四娘(張可頤飾)行刺雍正皇帝(江華飾)之時，兩人遇上水龍捲，穿越時空嚟到21世紀嘅香港，兩位古人要適應現代嘅生活。

而江華一開始仍然以為自己系皇帝，改唔到擺起架子、叫人服侍嘅生活習慣，誇張動作同現化人對比，演得非常搞笑。

《巴不得爸爸》

之後就系《巴不得爸爸》，或者可能有人會話《巴不得爸爸》無咩特別啊。不過呢套穿越劇，又真系拍得好輕鬆搞笑，並且收視都好好。

背景設定為60年代，當時嘅人嘅衣著打扮同說話都好有特色。

而大結局仿效60年代粵語片嘅手法：「欲知後事如何，請看下回分解」～有人指咁系爛尾，亦有人指呢個系開放式結局。

但無論點，結局收37點，相當唔錯嘅穿越劇成績。

或者有人會話，點解無《回到三國》及《張保仔》呢？因為TVB咁多穿越劇中，拍得最爛嘅就系呢兩套呀！

馬明喺《回到三國》中嘅「智障」表情同行為，真系好難頂。

而《張保仔》嘅洪永成……吖，唔算系佢嘅錯，而系萬聖節都唔使化特技妝嘅女主角——陳凱琳。仲有TVB不停賣廣告指呢套劇使咗3000萬成本做嘅CG動畫，但實際效果，比以前果啲神怪劇，更加假更加騎呢。

轉載請註明來源：今天頭條