呢個係我朋友既真實故事

話說 有一次佢響網上識左條女~

初頭都吹得兩咀 諗住當識多個朋友都無壞~

點知後尾吹吹下 條女越黎越串咀 佢就開始頂唔順~

但係條女不停撩佢講野 唔應機 又好似唔好意思 為有繼續忍~

突然有日佢諗起 上網聽人講過 一餐老麥 就可以令條女自動消失~

佢心諗~ (咁得意~如果係咁 又真係幾盞鬼~)

幾廿蚊就可以完滿解決左單野 底到腐爛啦~

所謂兵貴神速~佢果日朝早剛剛諗到 晏晝就約左條女出黎~

(當言無同佢講 去食M記啦)

點知一出到黎 條女話未肚餓 想去商場打鋪機先~

佢話~本來都唔想曬時間響條女身上~

但係心諗(無理由為左打鋪機 就破壞曬成個計劃架)

就係咁~佢地就去左打機~

可能係快樂不知時日過既關係~

一打就打到5點幾 佢先突然醒起(好似仲未食野)

咁佢就照原定計劃 問條女肚餓未~

條女話~ (其實早就餓啦 不過玩得開心 先唔理咁多 係咪去食野呀?)

聽到條女咁講 佢即時興奮到搶答咁既樣~ (係 等我帶你去)

去到M記之後 估唔到條女咁瘦 竟然一次過叫左兩個餐 加埋佢自己個餐 成舊水~

之前打機以經洗左兩舊幾~ (本來諗住幾廿蚊就成事 點知變左幾舊水)

佢心諗~ (雖然係比預期貴左 但係如果能夠解決左條煩友 貴少少都值得)

響臨別果一刻 佢仲對住條女奸笑左一下~

諗住從此以後 煩惱就跟住條女既背影遠去~

返到屋企 佢即刻上網睇下 發現條女真係失左蹤~(果晚佢瞓覺都笑左出黎)

第二朝起身 再上網睇下 好似咩都無變過 條女繼續響網上撩佢傾計~

唯一唔同既 係D態度好左 仲識得關心佢 問佢攰唔攰 玩得開唔開心之類~

佢話~ 嗰一刻既感覺 就好似比人昆左一樣~(又話食完M記條女會失蹤)

不過 之後慢慢發現 條女好似無之前咁乞人憎 仲對佢好好~

只係短短兩三日 竟然產生左感情~(同應承埋條女 每星期帶佢食一次M記)

而家既關係好怪 好似拍拖咁~(原先既計劃 唔係咁樣設計)

搞到佢唔知點算好

轉載請註明來源：今天頭條