「你的吻，像龍捲風吹過」52歲黎耀祥激咀57歲毛舜筠！

古乳有暈：「你的吻，像龍捲風吹過怎可對抗這吸引。」

而家TVB啲劇，分分鐘勁過龍捲風！

好似最近一集《愛·回家之八時入席》咁，52歲黎耀祥同57歲毛舜筠上演咗一幕「壁咚+激咀」！

喂喂喂，兩個人加埋成109歲架啦！仲要玩「Puppy Love」，仲扮純情？雞皮都起曬喇！

劇情就講到黎耀祥原來好早就識得毛舜筠，但就成50幾歲人先知，之後就唔知點解會鍾意咗佢……

然後黎耀祥就突然唔知點樣「呯」埋度門，兩個半百既系房！系房呀！

再然後黎生突然迅雷不及掩耳，一嘢咀落毛舜筠個嘴……

其實早喺今年4月，毛舜筠同黎耀祥出活動時都被問過會唔會有咀戲，當時毛舜筠笑言擔心觀眾睇到會嘔，估唔到呢個預言，終於成真喇……

其實佢兩個咀嘴都唔系第一次！

以下呢啲經典劇集中，佢兩個都咀過：

余家升、殷賞《畢打自己人》(2008年)

劇集以雜誌社嘅辦公室日常為背景，毛舜筠飾演雜誌總編殷賞，黎耀祥飾演佢嘅未婚夫，兩個人名正言順系一對仲要最尾終成眷屬！「兩公婆」互動甜蜜又帶點幽默，系人氣幾高嘅一對。

明世安、井喬《天天天晴》(2010年)

毛舜筠繼續做女強人，飾演首席珠寶設計師，黎耀祥就做顧問醫生。兩個人由初戀情人到變成鬥氣冤家，最後做埋夫婦，感情一步步加深，睇到人重拾戀愛感覺。呢一對嘅愛情線特別豐富～

邦主、細姐《愛‧回家之八時入席》(2016年)

今次黎耀祥飾演電視台監製，而毛舜筠就飾演飲食節目主持，做主持之前仲系黎耀祥嘅秘書。老細同秘書呢種配搭，本來就容易引起遐想。其實佢哋之前都「咀過」，不過無今日咁激……依家仲要玩埋壁咚激吻，呢一對絕對系最激情嘅一對！

轉載請註明來源：今天頭條