有個人鍾意我, 佢會係whatsapp話鍾意你, 掛住你果d
起初我以為佢講笑, 所以回應係一笑置之
但後來愈講愈多, 同埋各種原因, 我先知道係真, 但係我唔知自己想點, 一直都冇咩回應
佢約我幾次食飯, 我都有去, 因為都傾得埋,
我想了解多d, 相處多D, 睇下有冇機會
食飯好似冇咩特別感覺,不過幾自在 (本身同男仔獨處, 我通常都冇乜野講, 有D尷尬)
食完飯, 係街度行, 多人佢會捉一捉我手臂, 輕輕掂膊頭,
感覺有D奇怪, 但唔係太抗拒, 不過又唔會覺得好緊張/心跳加速
陪我等車既時候, 佢望住我, 話好想望多D我
平時對話我可以望住佢講野, 但今次我就唔敢望
佢有d缺點, 我唔係咁鍾意,
雖然有D其他人都有, 但我特別在意佢有
佢基本上日日都會問我做緊咩果D
突然有一日, 我唔想答佢, 可能唔慣好似成日要交代咁
但第2日又冇乜野
不過咁，每次佢買禮物比我，我都好開心，
佢買過iphone7,Prada手袋,重有幾隻鞋..比我..
有一次我話我要去交卡數，但唔記得帶錢，
佢都幫我比左成萬二蚊....
我好中意呢重感覺..覺得佢咁樣對我好好！咁我都好識做，好似ｃｏｆｆｅｅ咁同佢ｇａｔｈｅｒｉｎｇ，唔會手軟！
之後，每當佢講好掛住你果D
我冇特別開心/覺得煩
只係覺得.. 我一直唔知點, 又比唔到答案佢, 每次見到呢D message都有D內疚
佢對我好好, 幾就我 (雖然追求中點都一定好)
而且我圈子細, 識唔到男仔,
都有諗過不如試下一齊,
但係諗諗下我對佢既反應, 又好似唔係鍾意
想諗清楚D先
我一向都好似唔知自己想點咁
我對上一次暗戀個男仔, 又唔肯定, 結果冇表白
但係過左幾年見到佢同第2個女仔一齊, 又覺得心痛, 我先覺得, 好似真係鍾意佢..
所以今次唔想再錯
但係..其實我係咪唔鍾意佢, 但又好自私咁想留佢係身邊?
文章來源: https://www.twgreatdaily.com/cat99/node1342598
轉載請註明來源：今天頭條