又到新一批畢業生出來工作的日子，這批打工新一族由以往攤大手板問家人攞錢，變成要賺錢養家，難免會為「畀家用」問題感到苦惱。

一名自稱月入不到1萬元的網民發貼指，每朝自己買早餐，午餐又在外面吃，每星期最多在家吃兩至三餐晚飯，應該畀多少家用母親？母親要求畀一半人工，指同事仔女會將整份人工交母親Keep(保管)，這樣才叫孝順。不過，有網民就批評指，如此計算自己在家吃多少餐，「畀的錢猶如在包伙食，而不是家用。」更有網民回應指其心態唔啱，如果要逐樣計，養育之恩，呢世都還不完。

雖然這名為畀家用而苦惱的網民，在討論區補充指父母離異，母親有工作，家中日用品多是自己出錢買，母親會炒股票，認為這背景應可獲網民認同可少付家用。不過，網民不為所動，有網民說：「不如你逐餐計啦，少碟菜驚佢收多你，還要記得叫她找錢。」有網民更指「唔係話你唔比(畀)，係冇人會計食左(咗)幾多，家用係盡自己能力，搵得少比(畀)得少，難道家人唔比(畀)你裝飯？搵得多(畀)得多，即使一餐都唔響(喺)屋企食，當比(畀)老人家飲茶得唔得。」

網民有話說

bubu814：心態唔啱，如果要逐樣計，養育之恩，呢世都還不完。

許c9：我覺得(應畀)1/3囉。

seamama：家用並唔係伙食，係量力而為畀老人家心意，不論屋企有錢與否，你喺屋企開支幾多，洗(使)唔洗(使)供樓，心意係冇得計，一半都正常，三分一又係正常，量力而為囉！

99dogdog : 食少咗幾餐或者出外旅行，唔知要唔要找錢。

方麗娟：呢度好多道德之士，你咁問實話你，有時唔係你想計較，係屋企人同你計較。

文章來源: https://www.twgreatdaily.com/cat99/node1342586

轉載請註明來源：今天頭條