一齊前講到自己天花龍鳳地好，咁見都岩傾就一齊啦，兩個月就忍唔住要同佢散

佢心情差果陣會發我脾氣，成日因為啲芝麻綠豆小事就嬲

（例如遲左一個鍾覆訊息，大佬啊我要訓教架），

有次傾計問你點解唔送女仔番一次屋企既佢答我咁遠自己番去咪好耐，

呢個理由我接受但佢連係旺角食完飯送人上車都唔會做，

食飯開到口叫你請佢食（請不是問題但開到口會唔會肉酸啲），

到佢俾多一餐半餐（咁耐以來你一餐我一餐佢都係洗多幾千蚊姐...）就話你洗男人錢就係港女

呢個男人真係鬼咁死賤格，次次happy，都一定要我用口啜出黎。我心諗，你有冇咁大爺呀！以為自己係王帝咩？

周不時做野燥底打黎爆曬粗，偶爾數落下啲前女友（臭x咁形容，好難聽，話唔定而家輪到數我），臨散前問你借錢比佢還比朋友，唔借比佢發曬爛渣話你搵藉口唔幫佢，唔愛佢咁話，最後我已經反感到極點後佢少爺仔發晦氣話分手啦，以為甩難嘞無手尾跟，點知佢原來當玩笑第日同我say hi 放假想搵我出街唯有不聞不問無視佢

呢次經驗令我發現除左好男人壞男人小白臉外仲有種叫炸彈男，靜係識話人唔好同時又將女人當憤怒情緒發洩筒既定時炸彈...

今鋪真係炸彈唔怕放，最緊要拆得快嘞，

各位姊妹拍拖後發現唔對路記得速撇...

未拍拖既，鍊成下對金晴火眼唔好好似我咁睇錯人，有時幽默風趣同＜感覺＞真係唔係大曬架！

轉載請註明來源：今天頭條